പ്രീമിയര്‍ ലീഗില്‍ ഇന്ന് ലേയ്സെസ്റ്റര്‍ സിറ്റി vs ക്രിസ്റ്റല്‍ പാലസ് മല്‍സരം
ഇംഗ്ലിഷ് പ്രീമിയര്‍ ലീഗില്‍ ഇന്ന് മൂന്നാം സ്ഥാനത്തുള്ള ലേയ്സെസ്റ്റര്‍ സിറ്റി പന്ത്രണ്ടാം സ്ഥാനത്തുള്ള ക്രിസ്റ്റല്‍ പാലസിനെ നേരിടും.ഇന്ത്യന്‍ സമയം ഏഴരക്ക് ലേയ്സെസ്റ്റര്‍ സിറ്റി ഹോം ഗ്രൌണ്ട് കിങ് പവര്‍ സ്റ്റേഡിയത്തില്‍ വച്ചാണ് മല്‍സരം നടക്കുക.കൊറോണ ഇടവേളക്ക് ശേഷം ലേയ്സെസ്റ്റര്‍ സിറ്റിയുടെ കളത്തിലെ പ്രകടനം തീര്‍ത്തൂം മോശമാണ്.
ഇടവേളക്ക് ശേഷം ഒരു മല്‍സരം പോലും ജയിക്കാന്‍ ലേയ്സെസ്റ്റര്‍ സിറ്റിക്ക് കഴിഞ്ഞിട്ടില്ല.അതിനാല്‍ എങ്ങനെയും ഒരു വിജയം നേടി തിരിച്ച് ട്രാക്കില്‍ എത്തുക എന്നതായിരിക്കും അവരുടെ ലക്ഷ്യം.ഈ സീസണില്‍ ഇരു ടീമുകളും ഏറ്റുമുട്ടിയപ്പോള്‍ അന്ന് വിജയം ലേയ്സെസ്റ്റര്‍ സിട്ടിക്കൊപ്പം ആയിരുന്നു.ഇടവേളക്ക് ശേഷമുള്ള ക്രിസ്റ്റല്‍ പാലസിന്റെ പ്രകടനവും അത്ര മെച്ചമുള്ളത് ആയിരുന്നില്ല.എന്നാല്‍ ബോണ്‍മൌത്തിനെതിരെ വിജയം നേടാന്‍ അവര്‍ക്കായി.
