ബാഴ്സയില്‍ കളിക്കുന്നത് വളരെ രസകരമായിരിക്കും-പൌലോ ഡിബാല
യുവന്‍റസ് താരമായ പൌലോ ഡിബാല ബാഴ്സലോണയില്‍ കളിക്കാനുള്ള അവസരം ലഭിച്ചാല്‍ അത് വളരെ നന്നായിരിക്കുമെന്ന് അഭിപ്രായപ്പെട്ടു.അദ്ദേഹം ഇപ്പോള്‍ യുവന്‍റസില്‍ നിന്നും കോണ്‍ട്രാക്റ്റ് നീട്ടാനുള്ള അനുമതി കാത്തിരിക്കുകയാണ്.26 വയസുള്ള ഡിബാല ഈ സീസണില്‍ മികച്ച പ്രകടനമാണ് കാഴ്ചവച്ചത്.കഴിഞ്ഞ സമ്മറില്‍ മാഞ്ചെസ്റ്റര്‍ യുണൈറ്റഡിലേക്ക് പോകുന്നതിന്റെ അവസാനം വരെ എത്തിയതാണ് അദ്ദേഹം.ബാഴ്‌സലോണയിൽ അന്താരാഷ്ട്ര ടീം അംഗമായ ലയണൽ മെസ്സിയുമായി ഒന്നിക്കുന്നത് നല്ലതായിരിക്കുമെന്നാണ് ഡിബാല പറഞ്ഞു.
“ബാഴ്‌സലോണ വലിയ ടീമാണെന്നതാണ് സത്യം, മെസ്സിയും കൂടി അതില്‍ ചേരുമ്പോള്‍ ടീമിന്‍റെ ശക്തി വര്‍ധിക്കുന്നു.അതുപോലെ ചരിത്ര പ്രാധാന്യം ഉള്ള ക്ലബുകളില്‍ കളിക്കുക എന്നത് വളരെ മനോഹരമായിരിക്കും, പക്ഷേ യുവന്റസും അവിശ്വസനീയമായ ഒരു ക്ലബ് കൂടിയാണ്, വളരെ വലുതും ചരിത്രം നിറഞ്ഞതുമാണ്, അവിടെയും നിലവിൽ മികച്ച കളിക്കാർ ഉണ്ട്.”അദ്ദേഹം സി‌എന്‍‌എന്‍ നടത്തിയ അഭിമുഘത്തില്‍ പറഞ്ഞു.
