മെസ്സിയേ പോലൊരു താരത്തിന് ഇനി നമ്മള്‍ 20,30 വര്‍ഷം കാത്തിരിക്കേണ്ടി വരും- റൊണാള്‍ഡോ നസാറിയോ
മുൻ ബാഴ്‌സലോണ താരം റൊണാൾഡോ നസാറിയോ ലയണൽ മെസ്സിയെ ആധുനിക ഫുട്‌ബോളിൽ തർക്കമില്ലാത്ത “ഒന്നാം നമ്പർ” ആയി കാണുന്നതായി പറഞ്ഞു. മുഹമ്മദ് സലാ, ഈഡൻ ഹസാർഡ്, നെയ്മർ, കൈലിയൻ എംബപ്പേ എന്നിവരെ അദ്ദേഹം തന്‍റെ ഇഷ്ട്ടതാരങ്ങളുടെ പട്ടികയില്‍ പെടുത്തിയപ്പോള്‍ സാക്ഷാല്‍ ക്രിസ്റ്റ്യാനോ റൊണാള്‍ഡോയെ ആ ലിസ്റ്റില്‍ നിന്നും ഒഴിവാക്കിയത് ശ്രദ്ധേയമായി.
“മെസ്സി ഒരു അപൂര്‍വ തരം പ്രതിഭയാണ്.അതുപോലത്തെ ഇനി ഒരു താരം ഉണ്ടാകണമെങ്കില്‍ നമ്മള്‍ ഒരു 20,30 വര്‍ഷം കാത്തിരിക്കേണ്ടി വരും.എനിക്ക് സലാ, ഹസാർഡ്, നെയ്മർ എന്നിവരെ ഇഷ്ടമാണ്.ഭാവിയില്‍ ഞാന്‍ ഏറെ പ്രതീക്ഷ നല്‍കുന്ന താരമാണ് എംബാപ്പെ.അവനെ കാണാന്‍ എന്നെ പോലെയുണ്ട് എന്നു പലരും പറയുന്നുണ്ട്.”എഎസ് നടത്തിയ അഭിമുഘത്തില്‍ റൊണാള്‍ഡോ പറഞ്ഞു.
