ലെഫ്റ്റ് വിങ്ങ് കളിക്കാനുള്ള താല്‍പര്യം പങ്കുവെച്ച് റാഷ്ഫോര്‍ഡ്
മാഞ്ചെസ്റ്റര്‍ യുണൈറ്റഡ് താരം മാര്‍ക്കസ് റാഷ്ഫോര്‍ഡ് യുണൈറ്റഡില്‍ ലെഫ്റ്റ് വിങ്ങ് കളിക്കാനുള്ള ആഗ്രഹം യുണൈറ്റഡ് പോഡ്കാസ്റ്റില്‍ പങ്കുവച്ചു.തന്‍റെ സഹതരമായ ആന്തണി മാര്‍ഷ്യല്‍ നമ്പര്‍ 9 ആയും, താന്‍ ഇടത് വശം കവര്‍ ചെയ്തു കളിക്കുവാനും ആണ് തന്‍റെ ആഗ്രഹം എന്ന് റാഷ്ഫോര്‍ഡ് അഭിപ്രായപ്പെട്ടു.
പണ്ട് മുതല്‍ സ്ട്രൈക്കര്‍ ആയി കളിച്ചിട്ടുള്ള റാഷ്ഫോര്‍ഡ് ഈ സീസണില്‍ മികച്ച പ്രകടനം ആണ് കാഴ്ചവെച്ചത്.31 മല്‍സരങ്ങളില്‍ നിന്നും 19 ഗോളുകള്‍ നേടാന്‍ അദ്ദേഹത്തിനായി.ജനുവരിയില്‍ പരിക്ക് പറ്റി പുറത്ത് പോവുകയായിരുന്നു റാഷ്ഫോര്‍ഡ്.തനിക്ക് സ്ട്രൈക്കറായി കളിക്കാനായിരുന്നു പണ്ട് ആഗ്രഹം,പന്ത് അങ്ങനെ നമുക്ക് ലഭിക്കില്ല എന്നാല്‍ പന്ത് കൈയില്‍ കിട്ടിയാല്‍ തന്നെ ഓരോ ഗോള്‍ അവസരങ്ങള്‍ ലഭിച്ചേക്കും എന്നും റാഷ്ഫോര്‍ഡ് കൂട്ടിച്ചേര്‍ത്തു.പുതിയ കോച്ച് ഒലെ സോല്‍ക്ക്സ്ജേര്‍ വന്നതിന് ശേഷം റാഷ്ഫോര്‍ഡ് മികച്ച നമ്പര്‍ 9 ആയി പെര്‍ഫോം ചെയുന്നുണ്ട്.
