വീണ്ടും ലിവർപൂൾ
ഇംഗ്ലീഷ് പ്രീമിയർ ലീഗ് കിരീടം യാഥാർധ്യമാക്കാൻ ഒരു പടി കൂടി കയറി ലിവർപൂൾ .നോർവിച് സിറ്റി-ലിവർപൂൾ മത്സരം ഒന്നേ പൂജ്യത്തിനു ലിവർപൂൾ ജയിച്ചു . ലിവർപൂളിന് വേണ്ടി ഗോൾ നേടിയത് സാദിയോ മാനേ ആണ് .ഇന്നലെ നോർവിച് സിറ്റിയുടെ ഹോം ഗ്രൗണ്ടായ കാരോവ് റോഡിലായിരുന്നു മത്സരം .
ലിവർപൂളിന്റെ കോച്ച് ക്ളോപ്പ് ലൈനപ്പ് മാറ്റമൊന്നും വരുത്തിയിരുന്നില്ല .ആദ്യ പകുതി ഗോൾ രഹിത സമനില ആയിരുന്നു . രണ്ടാം പകുതിയിൽ ക്ളോപ്പ് ഫാബിൻഹോയേയും സാദിയോ മാനേയും കളത്തിൽ ഇറക്കി .കളിയുടെ എഴുപത്തെട്ടാം മിനുട്ടിൽ ജോർദാൻ ഹെൻഡേഴ്സൺ നൽകിയ ലോങ്ങ് ബോൾ സാദിയോ മാനേ പോസ്റ്റിലേക് പായിച്ചു .ജയത്തോടെ ലിവർപൂൾ മാഞ്ചസ്റ്റർ സിറ്റിയുമായുള്ള പോയിന്റ് വ്യത്യാസം ഇരുപത്തഞ്ചാക്കി ഒന്നാമതായി തുടരുന്നു .
