ഓസ്‌ട്രേലിയൻ ഓപ്പൺ: റാഫേല്‍ നദാല്‍ ക്വാര്‍ട്ടര്‍ ഫൈനലില്‍
ഓസ്‌ട്രേലിയൻ ഓപ്പൺ റൗണ്ടിൽ ഇന്നലെ നടന്ന മത്സരത്തിൽ ലോക് ഒന്നാം നമ്പർ താരം റാഫേൽ നദാൽ ജയത്തോടെ ക്വാര്‍ട്ടര്‍ ഫൈനലില്‍ പ്രവേശിച്ചു. ഓസ്‌ട്രേലിയന്‍ താരം നിക്ക് കിര്‍ഗിയോസിനെയാണ് മൂന്നര മണിക്കൂറിലധികം നീണ്ട പോരാട്ടത്തിനൊടുവിലാണ് തോൽപ്പിച്ചത്. ആദ്യ സെറ്റിൽ നദാൽ അനായാസം സ്വന്തമാക്കി. എന്നാൽ രണ്ടാം സെറ്റിൽ വമ്പൻ തിരിച്ചുവരവ് നടത്തിയ നിക്ക് നദാലിനെ 6-3 ന് തോൽപ്പിച്ചു. പിന്നീട് നടന്ന ഇഞ്ചോടിഞ്ച് മത്സരത്തിൽ രണ്ട് സെറ്റിലും നദാൽ ജയിക്കുകയായിരുന്നു. മികച്ച പ്രകടനമാണ് രണ്ട് പേരും ഇന്നലെ കാഴ്ചവെച്ചത്.
ടൈബ്രേക്കറിലേക്കു നീണ്ട അവസാന രണ്ട് സെറ്റിലും നിക്ക് വലിയ ഭീഷണിയാണ് നദാലിന് നൽകിയത്. ഇതോടെ 12 -ാം തവണയാണ്‌ നദാല്‍ ഓസ്‌ട്രേലിയന്‍ ഓപ്പണ്‍ ക്വാര്‍ട്ടര്‍ ഫൈനലില്‍ എത്തുന്നത്‌.തൻറെ 20 മത്തെ ഗ്രാന്റ് സ്‌ലാം കിരീടം ലക്ഷ്യമിട്ടാണ് ഇത്തവണ എത്തിയിരിക്കുന്നത്. ഇത്തവണ കിരീടം നേടിയാൽ റോജര്‍ ഫെഡററുടെ റെക്കോഡിനൊപ്പം എതാൻ സാധിക്കും.
സ്‌കോര്‍: 6-3, 3-6, 7-6, 7-6.
