പ്രീമിയര്‍ ബാഡ്മിന്റണ്‍ ലീഗ്: അവാധെ വാരിയേഴ്സിനെതിരെ ഹൈദരാബാദ് ഹണ്ടേഴ്സിന് ജയം
പ്രീമിയര്‍ ബാഡ്മിന്റണ്‍ ലീഗിൽ ഇന്നലെ നടന്ന അവാധെ വാരിയേഴ്സ് ഹൈദരാബാദ് ഹണ്ടേഴ്സ് മൽസരത്തിൽ പിവി സിന്ധുവിൻറെ ടീം ആയ ഹൈദരാബാദ് ഹണ്ടേഴ്സിന് ജയം. ഒന്നിനെതിരെ രണ്ട് പോയിന്റുകൾക്കാണ് അവർ ജയിച്ചത്. പുരുഷ സിംഗിൾസിൽ മാത്രമാണ് അവാധെ ജയിച്ചത്.
ആദ്യം മിക്സഡ് ഡബിള്‍സില്‍ ഹൈദരാബാദിന്റെ വ്ലാഡ്മിര്‍ ഇവാനോവ്, എന്‍ സിക്കി റെഡ്ഡി സഖ്യം ഷിന്‍ ബീക്ക് ചിയോള്‍, ക്രിസ്റ്റിന പെഡേഴ്സണ്‍ സഖ്യത്തെ തോൽപ്പിച്ചു. നേരിട്ടുള്ള സെറ്റുകൾക്കായിരുന്നു വിജയം സ്‌കോര്‍ 15-12,15-14. പിന്നീട് നടന്ന പുരുഷ സിംഗിൾസിൽ ഹൈദരാബാദ് താരം ഡാരന്‍ ലിയുവിനെ വോങ് വിങ് കി വിന്‍സെന്റ് തോൽപ്പിച്ചു. 15-14, 15-9 എന്ന സ്കോറിനാണ് തോൽപ്പിച്ചത്. മൂന്നാം റൗണ്ടിൽ പുരുഷ ഡബിള്‍സിലും ഹൈദരാബാദ് വിജയിച്ചു.
