ഒമാനെതിരെയുള്ള പരിശീലന പരമ്പരയ്ക്കുള്ള കേരള ക്രിക്കറ്റ് ടീമിനെ പ്രഖ്യാപിച്ചു, മുഹമ്മദ് അസ്ഹറുദ്ദീൻ ക്യാപ്റ്റൻ
ഐസിസി റാങ്കിംഗിൽ ഉൾപ്പെട്ട ഒമാൻ ദേശീയ ടീമിനെതിരെയുള്ള അഞ്ച് മത്സരങ്ങളുള്ള ഏകദിന പരിശീലന പരമ്പരയ്ക്കുള്ള കേരള ക്രിക്കറ്റ് ടീമിനെ പ്രഖ്യാപിച്ചു. രഞ്ജി ട്രോഫിയിലെ പ്രകടനത്തിൽ മികച്ച പ്രകടനം കാഴ്ചവച്ച മുഹമ്മദ് അസ്ഹറുദ്ദീൻ ക്യാപ്റ്റനായി ടീമിനെ നയിക്കും.
ഏപ്രിൽ 20 മുതൽ 26 വരെ നടക്കുന്ന പരമ്പര കേരള കളിക്കാർക്ക് വിലപ്പെട്ട അന്താരാഷ്ട്ര പരിചയം നൽകും. മത്സരങ്ങൾക്ക് മുന്നോടിയായി ഏപ്രിൽ 15 മുതൽ 18 വരെ തിരുവനന്തപുരത്ത് ഒരു പരിശീലന ക്യാമ്പ് നടക്കും. ഏപ്രിൽ 19 ന് തിരുവനന്തപുരം അന്താരാഷ്ട്ര വിമാനത്താവളത്തിൽ നിന്ന് ടീം ഒമാനിലേക്ക് പുറപ്പെടും
ടീം അംഗങ്ങൾ : രോഹൻ എസ് കുന്നുമ്മൽ, അഹമ്മദ് ഇമ്രാൻ, സൽമാൻ നിസാർ, മൊഹമ്മദ് അസറുദ്ദീൻ,ഷോൺ റോജർ, ഗോവിന്ദ് ദേവ് ഡി പൈ, അഭിഷേക് പി നായർ, അബ്‌ദുൾ ബാസിത് പി എ, അക്ഷയ് മനോഹർ, ഷറഫുദീൻ എൻ.എം, നിധീഷ് എം.ഡി, ബേസിൽ എൻ.പി, ഏദൻ അപ്പിൾ ടോം, ശ്രീഹരി എസ് നായർ, ബിജു നാരായണൻ എൻ, മാനവ് കൃഷ്‌ണ. ഹെഡ് കോച്ച് -അമയ് ഖുറേസിയ, അസിസ്റ്റ്റ് കോച്ച് – രജീഷ് രത്നകുമാർ, നിരീക്ഷകൻ – നാസിർ മച്ചാൻ
