ഫിഫ ബെസ്റ്റ് നോമിനികളെ ഷോര്‍ട്ട്ലിസ്റ്റ് ചെയ്തു ; മെസ്സി – ഹാളണ്ട് പോര് മുറുകും
ലയണൽ മെസ്സി, എർലിംഗ് ഹാലൻഡ്, കൈലിയൻ എംബാപ്പെ എന്നിവർ ഫിഫയുടെ ഏറ്റവും മികച്ച പുരുഷ താരത്തിനുള്ള നോമിനികൾക്കുള്ള 12 കളിക്കാരുടെ ഷോർട്ട്‌ലിസ്റ്റില്‍ ഇടം നേടി.മുൻ ക്ലബ് വെസ്റ്റ് ഹാം യുണൈറ്റഡിന്റെ ക്യാപ്റ്റനായ ശേഷം യൂറോപ്പ കോൺഫറൻസ് ലീഗ് വിജയത്തിലേക്ക് നയിച്ചതിന് ഇംഗ്ലണ്ട് മിഡ്ഫീൽഡർ ഡെക്ലാൻ റൈസും നാമനിർദ്ദേശം ചെയ്യപ്പെട്ടു.
ഇപ്പോൾ എം‌എൽ‌എസ് ടീമായ ഇന്റർ മിയാമിക്ക് വേണ്ടി കളിക്കുന്ന അർജന്റീന ക്യാപ്റ്റൻ മെസ്സി 2019 ലും 2022 ലും ഈ ബഹുമതി ലഭിച്ചിരുന്നു.നിലവിലെ റിപ്പോര്‍ട്ടുകള്‍ പ്രകാരം അദ്ദേഹത്തിന് തന്നെ ആണ് ഈ അവാര്‍ഡ് ലഭിക്കാന്‍ സാധ്യത.മെസ്സിക്ക് എതിരെ കുറച്ചെങ്കിലും വെല്ലുവിളി ഉയര്‍ത്തുന്നത് സിറ്റി ഫോര്‍വേഡ് ആയ ഹാലണ്ട് ആണ്.ജൂലിയൻ അൽവാരസ്, മാർസെലോ ബ്രോസോവിച്ച്, കെവിൻ ഡി ബ്രൂയ്ൻ, ഇൽകെ ഗുണ്ടോഗൻ, റോഡ്രി, ഖ്വിച ക്വാററ്റ്‌സ്‌ഖേലിയ, വിക്ടർ ഒസിംഹെൻ, ബെർണാഡോ സിൽവ എന്നിവരും ലിസ്റ്റില്‍ ഇടം നേടിയിട്ടുണ്ട്.
