സമനില എങ്കിലും ചെല്‍സിയുടെ പ്രകടനം മെച്ചം !!!!

പ്രീമിയർ ലീഗ് ഓപ്പണറിൽ ഞായറാഴ്ച ലിവർപൂളിനെതിരെ 1-1 സമനില പിടിച്ചു വാങ്ങി ചെല്‍സി.ഒരു ഗോളിന് പിന്നില്‍ നിന്ന ശേഷമാണ് ചെല്‍സി സമനില ഗോള്‍ നേടിയത്.ലിവർപൂളിനെതിരെ ചെൽസിക്കൊപ്പം ചേരാൻ കെയ്‌സെഡോ തീരുമാനിച്ചതായി റിപ്പോര്‍ട്ട് ഉണ്ട്.ഇത് പിച്ചിനു പുറത്തുള്ള വിജയം ആയി ചെല്‍സി കണക്കാക്കും,കാരണം ഒരു ബോൾ വിന്നിംഗ് മിഡ്‌ഫീൽഡറെ ചെല്‍സിക്ക് ഇപ്പോള്‍ വളരെ അധികം ആവശ്യമാണ്‌.അതുപോലെ തന്നെ ലിവര്‍പൂളിനും അത് പോലൊരു താരത്തിനെ വാങ്ങേണ്ടത് ഉണ്ട്.

 

 

പ്രീമിയർ ലീഗിന്റെ ഓപ്പണിംഗ് റൗണ്ടിലെ മാർക്വീ മത്സരത്തിൽ, 18-ാം മിനിറ്റിൽ ഒരു മിന്നൽ പ്രത്യാക്രമണത്തിന് ശേഷം ലൂയിസ് ഡയസ് ലിവർപൂളിനെ മുന്നിലെത്തിച്ചു, ഡിഫൻഡർ അക്സൽ ഡിസാസി 37-ാം മിനിറ്റിൽ ക്ലോസ് റേഞ്ചിൽ നിന്ന് സമനില ഗോൾ നേടി ചെൽസിയുടെ അരങ്ങേറ്റം മികച്ചത് ആക്കി.പോച്ചെറ്റിനോയുടെ കീഴിൽ ചെൽസി ഇതിനകം വ്യത്യസ്തമായ ടീമായി കാണപ്പെട്ടു,, കഴിഞ്ഞ സീസണിൽ സ്റ്റാംഫോർഡ് ബ്രിഡ്ജിൽ അപൂർവ്വമായി കണ്ട ഒരു തലത്തിലുള്ള തീവ്രതയോടെയാണ് ചെല്‍സി ടീം കളിച്ചത്.അതേസമയം ലിവർപൂളിന്റെ പുതിയ  മിഡ്ഫീൽഡ് , സമ്മർ സൈനിംഗുകള്‍ അലക്സിസ് മാക് അലിസ്റ്ററും ഡൊമിനിക് സോബോസ്‌ലൈയും കളി നിയന്ത്രിക്കാൻ നന്നേ  പാടുപെട്ടു.