സിറ്റി തങ്ങളുടെ രണ്ടാമത്തെ സമ്മര്‍ സൈനിങ്ങ് ഉടന്‍ പൂര്‍ത്തിയാക്കും
ഡിഫൻഡർ ജോസ്‌കോ ഗ്വാർഡിയോളുമായി ഒപ്പുവെക്കാൻ മാഞ്ചസ്റ്റർ സിറ്റി ആർബി ലീപ്‌സിഗുമായി ഒരു കരാറില്‍ ഏര്‍പ്പെടുന്നതില്‍ വിജയം കണ്ടെത്തിയിരിക്കുന്നു.പ്രീമിയർ ലീഗ് ചാമ്പ്യൻമാർ നേരിട്ട് 90 മില്യൺ യൂറോ താരത്തിനു വേണ്ടി നല്‍കും.കരാറിൽ ആഡ്-ഓണുകൾ ഉൾപ്പെടുന്നില്ല.21 കാരനായ ഗ്വാർഡിയോൾ ഇന്ന് ഇംഗ്ലണ്ടില്‍ എത്തും,ഉടന്‍ തന്നെ അദ്ദേഹം വൈദ്യശാസ്ത്രത്തിന് വിധേയനാകും.
വെംബ്ലിയിൽ ആഴ്‌സണലുമായുള്ള ഞായറാഴ്ചത്തെ കമ്മ്യൂണിറ്റി ഷീൽഡ് പോരാട്ടത്തിൽ അദ്ദേഹം അരങ്ങേറ്റം കുറിക്കാൻ സാധ്യതയില്ല, പക്ഷേ ഓഗസ്റ്റ് 11 ന് ടർഫ് മൂറിൽ ബേൺലിക്കെതിരെ സിറ്റിയുടെ ലീഗ് ഓപ്പണറിന് താരം ടീമില്‍ ഉണ്ടായേക്കും.ലീപ്‌സിഗ് തുടക്കത്തിൽ ഗ്വാർഡിയോളിനെ 100 മില്യൺ യൂറോക്ക് ആയിരുന്നു വില്‍ക്കാന്‍ തീരുമാനിച്ചിരുന്നത്.എന്നാല്‍ സിറ്റിയുടെ ഡിമാന്‍ഡ് പ്രകാരം താരത്തിന്‍റെ ഫീസ്‌ ജര്‍മന്‍ ക്ലബ്‌ കുറയ്ക്കുകയായിരുന്നു.ചെൽസിയിൽ നിന്ന് മാറ്റിയോ കൊവാസിച് എത്തിയതിന് ശേഷം പെപ് ഗാർഡിയോളയുടെ രണ്ടാമത്തെ സമ്മർ സൈനിങ്ങ് ആണിത്.
