ബട്ട്‌ലറും സഞ്ജുവും തിളങ്ങി, സൺറൈസേഴ്‌സ് ഹൈദരാബാദിനെതിരെ രാജസ്ഥാൻ റോയൽസിന് കൂറ്റൻ സ്‌കോർ
ഐപിഎല്ലിൽ ഇന്ന് നടന്ന മൽസരത്തിൽ രാജസ്ഥാൻ റോയൽസിനെതിരെ സൺറൈസേഴ്‌സ് ഹൈദരാബാദിന് 215 റൺസ് വിജയലക്ഷ്യം. ആദ്യം ബാറ്റ് ചെയ്ത രാജസ്ഥാൻ മികച്ച പ്രകടനം ആണ് നടത്തിയത്. ജോസ് ബട്ട്‌ലറും സഞ്ജു സാംസണും ചേർന്ന് ആക്രമണോത്സുകമായ അർധസെഞ്ചുറികളോടെ സൺറൈസേഴ്‌സ് ഹൈദരാബാദിനെതിരെ ഞായറാഴ്ച നടന്ന ഐപിഎൽ മത്സരത്തിൽ രാജസ്ഥാൻ റോയൽസിന് 214/2 എന്ന വെല്ലുവിളി ഉയർത്തി.
ബട്ട്‌ലറും യശസ്വി ജയ്‌സ്വാളും ചേർന്ന് മികച്ച തുടക്കമാണ് നൽകിയത്. ഇരുവരും ചേർന്ന്
ഒന്നാം വിക്കറ്റിൽ 54 റൺസ് നേടി. ബട്ട്‌ലർ 59 പന്തിൽ 95 റൺസെടുത്തപ്പോൾ ക്യാപ്റ്റൻ സാംസൺ 38 പന്തിൽ പുറത്താകാതെ 66 റൺസെടുത്തു. ഓപ്പണർ യശസ്വി ജയ്‌സ്വാൾ 18 പന്തിൽ 35 റൺസ് നേടി ഐപിഎൽ 1000 റൺസ് തികച്ചു. സൺറൈസേഴ്സിനായി ഭുവനേശ്വർ കുമാർ (1/44), മാർക്കോ ജാൻസൻ (1/44) എന്നിവർ ഓരോ വിക്കറ്റ് വീതം വീഴ്ത്തി.
