ഐഡബ്ല്യുഎൽ: ഗോകുലം കേരള എഫ്സിയെ മിസാക്ക യുണൈറ്റഡ് സമനിലയിൽ തളച്ചു
ഇന്ത്യൻ വനിതാ ലീഗിൽ നിലവിലെ ചാമ്പ്യന്മാരായ ഗോകുലം കേരള എഫ്സിയുടെ 21 മത്സര വിജയ പരമ്പര വ്യാഴാഴ്ച അവസാനിച്ചു. ഇന്നലെ നടന്ന മത്സര൦ ഗോൾരഹിത സമനിലയിൽ ആണ് അവസാനിച്ചത്.
എന്നിരുന്നാലും, ഗോകുലം ഗ്രൂപ്പ് എയിൽ 10 പോയിന്റുമായി ഒന്നാം സ്ഥാനത്ത് തുടരുന്നു, വ്യാഴാഴ്ച ഷാഹിബാഗ് പോലീസ് സ്റ്റേഡിയത്തിൽ മുംബൈ നൈറ്റ്സ് എഫ്സിക്കെതിരെ 4-2 ന് മികച്ച വിജയം നേടിയ ഈസ്റ്റ് ബംഗാൾ രണ്ടാം സ്ഥാനത്തേക്ക് മുന്നേറി. രണ്ട് തവണ ഐഡബ്ല്യുഎൽ ചാമ്പ്യൻമാരായ ഗോകുലം ഐഡബ്ല്യുഎല്ലിന്റെ 2019-20, 2021-22 സീസണുകളിലെ എല്ലാ മത്സരങ്ങളും വിജയിച്ചു, .
മിസാക്കയുടെ മലേഷ്യൻ ഗോൾകീപ്പർ നൂറുൽ മസ്ലാൻ തകർപ്പൻ പ്രകടനത്തിന് പ്ലെയർ ഓഫ് ദി മാച്ച് ആയി തിരഞ്ഞെടുക്കപ്പെട്ടു. 2018-19 സീസണിലെ സെമി ഫൈനലിൽ മണിപ്പൂർ പോലീസിനെതിരെ (2-4) നടന്ന ഹീറോ ഐഡബ്ല്യുഎൽ മത്സരത്തിലാണ് ഗോകുലം കേരള അവസാനമായി പരാജയപ്പെട്ടത്.