ഐസിസി ലോക ടെസ്റ്റ് ചാമ്പ്യൻഷിപ്പ് 2023 ഫൈനലിനുള്ള ഇന്ത്യൻ ടീമിനെ പ്രഖ്യാപിച്ചു
ഓൾ-ഇന്ത്യ സീനിയർ സെലക്ഷൻ കമ്മിറ്റി ഓസ്‌ട്രേലിയക്കെതിരായ ഐസിസി ലോക ടെസ്റ്റ് ചാമ്പ്യൻഷിപ്പ് ഫൈനലിനുള്ള ടീമിനെ തിരഞ്ഞെടുത്തു. രഹാനെ ടീമിലേക്ക് തിരിച്ചെത്തിയതാണ് ഏറ്റവും വലിയ വാർത്ത. ശാർദുൽ താക്കൂറും ടീമിൽ ഇടം നേടിയപ്പോൾ ബുംറയും അയ്യരും ടീമിൽ നിന്ന് പുറത്തായി
കഴിഞ്ഞ വർഷം ജനുവരിയിലാണ് രഹാനെ അവസാനമായി ഇന്ത്യൻ ടീമിനായി ഒരു ടെസ്റ്റ് മത്സരത്തിൽ കളിച്ചത്. ന്യൂലാൻഡ്‌സിൽ ദക്ഷിണാഫ്രിക്കയ്‌ക്കെതിരെയായിരുന്നു അദ്ദേഹത്തിന്റെ പ്രകടനം. അതിനുശേഷം, മോശം ഫോം കാരണം വെറ്ററൻ ബാറ്റർ സൈഡ്‌ലൈനിലാണ്.
ടി20യും ടെസ്റ്റ് ക്രിക്കറ്റും പരസ്പരം വേറിട്ട് നിൽക്കുന്നുണ്ടെങ്കിലും, സിഎസ്‌കെയ്‌ക്ക് വേണ്ടി രഹാനെ നടത്തിയ പ്രകടനങ്ങൾ ഡബ്ല്യുടിസി ഫൈനലിലേക്ക് അദ്ദേഹത്തെ തെരഞ്ഞെടുക്കാൻ സഹായിച്ചതായി കരുതാം. ഐപിഎൽ പതിനാറാം പതിപ്പിൽ ഇതുവരെ 52.25 ശരാശരിയിലും 199.04 സ്‌ട്രൈക്ക് റേറ്റിലും 209 റൺസാണ് രഹാനെ നേടിയത്.ജൂൺ 7 മുതൽ 11 വരെ ലണ്ടനിലെ ഓവലിൽ ഇന്ത്യയും ഓസ്‌ട്രേലിയയും തമ്മിൽ ലോക ടെസ്റ്റ് ചാമ്പ്യൻഷിപ്പ് ഫൈനൽ നടക്കും.
ഇന്ത്യയുടെ ടെസ്റ്റ് സ്ക്വാഡ് ഡബ്ല്യുടിസി ഫൈനൽ: രോഹിത് ശർമ്മ (ക്യാപ്റ്റൻ), ശുഭ്മാൻ ഗിൽ, ചേതേശ്വര് പൂജാര, വിരാട് കോഹ്ലി, അജിങ്ക്യ രഹാനെ, കെ എൽ രാഹുൽ, കെ എസ് ഭരത്, രവിചന്ദ്രൻ അശ്വിൻ, രവീന്ദ്ര ജഡേജ, അക്സർ പട്ടേൽ, ഷാർദുൽ താക്കൂർ, മൊഹമ്മദ്. ഷമി, മൊഹമ്മദ്. സിറാജ്, ഉമേഷ് യാദവ്, ജയ്ദേവ് ഉനദ്കട്ട്.
