ബയേൺ മ്യൂണിക്ക് ഇതിഹാസം ഫ്രാങ്ക് റിബറി പ്രൊഫഷണൽ ഫുട്ബോളിൽ നിന്ന് വിരമിച്ചു
ബയേൺ മ്യൂണിക്ക് ഇതിഹാസം ഫ്രാങ്ക് റിബറി പ്രൊഫഷണൽ ഫുട്ബോളിൽ നിന്ന് വിരമിച്ചു. ഫ്രഞ്ച് വിംഗേഴ്സ് ക്ലബ്ബായ യുഎസ് സലെർനിറ്റാന 1919, വെള്ളിയാഴ്ച റിബറി തന്റെ കരാർ അവസാനിപ്പിക്കുമെന്നും കൂടാതെ ഫുട്ബോളില് നിന്ന് വിരമിക്കും എന്നും ഔദ്യോഗികമായി പ്രഖ്യാപിച്ചു.തുടർച്ചയായ കാൽമുട്ടിന്റെ പ്രശ്നങ്ങൾ കാരണം, സീസണിന്റെ ഭൂരിഭാഗം സമയങ്ങളിലും റിബറി തന്റെ ക്ലബ്ബിനായി ശരിയായി കളിച്ചിരുന്നില്ല.അതിനാല് തന്റെ കരിയര് അവസാനിപ്പിക്കാന് 39 കാരന് തീരുമാനിക്കുകയായിരുന്നു.
യുവ താരമായ റിബറിയുടെ ആദ്യ ലീഗ് 1 ക്ലബ് മെറ്റ്സ് ആയിരുന്നു, അവിടെ അദ്ദേഹം ഒരു സീസൺ താമസിച്ചു, കുറച്ചുകാലം ടർക്കിഷ് ടീമായ ഗലാറ്റസറേയിൽ ചേർന്നതിനുശേഷം, അദ്ദേഹം ലിഗ് 1 സൈഡ് മാഴ്സെയുമായി കരാറില് ഏര്പ്പെട്ടു.അവിടെ നിന്നുമാണ് താരത്തിന്റെ കരിയര് ഗ്രാഫ് ഉയരാന് തുടങ്ങിയത്.മാഴ്സെയ്ലിനായി കളിക്കുമ്പോഴാണ് ഫ്രഞ്ച് സീനിയർ ദേശീയ ടീമിലേക്ക് ആദ്യമായി വിളിക്കപ്പെട്ടത്, 2006 ഫിഫ ലോകകപ്പിൽ ഫ്രാൻസ് റണ്ണേഴ്സ് അപ്പ് ഫിനിഷ് ചെയ്യുന്നതിൽ അദ്ദേഹം പ്രധാന പങ്കുവഹിച്ചു.2007-ൽ, റിബറി ബയേൺ മ്യൂണിക്കിൽ ചേർന്നത്തോടെ താരത്തിന്റെ പ്രകടനം ടോപ് ഗിയറില് ആയി.അദ്ദേഹം ക്ലബ്ബിന്റെ ദീർഘവും സമ്പന്നവുമായ ചരിത്രത്തിലെ ഏറ്റവും മികച്ച വിംഗർമാരിൽ ഒരാളായി മാറി. 2012/13 സീസണിൽ ബയേണിന്റെ ആദ്യ ട്രെബിൾ വിജയത്തിന് പിന്നിലെ പ്രേരകശക്തിയായിരുന്നു അദ്ദേഹം.ആ സീസണിലെ പ്രകടനം മൂലം താരത്തിനെ യുവേഫ പ്ലെയർ ഓഫ് ദ ഇയർ ആയി തിരഞ്ഞെടുത്തു.മ്യൂണിക്കിലെ താരനിബിഡമായ പന്ത്രണ്ട് വർഷത്തിന് ശേഷം, റിബറി ഇറ്റലിയിലേക്ക് താമസം മാറ്റി, ഫിയോറന്റീനയ്ക്കും സലെർനിറ്റാനയ്ക്കും ഒപ്പം തന്റെ കരിയറിന്റെ അവസാന വർഷങ്ങൾ ചെലവഴിച്ചു.