ജാൻ ഒബ്ലാക്ക് 2028 വരെ മാഡ്രിഡില്‍ ഉണ്ടാകും
ജാൻ ഒബ്ലാക്ക് അത്‌ലറ്റിക്കോ മാഡ്രിഡുമായി ഒരു പുതിയ കരാറിൽ ഒപ്പുവച്ചു.താരം 2028 വേനൽക്കാലം വരെ സ്പാനിഷ് തലസ്ഥാനത്ത് തുടരും.29-കാരനായ താരത്തിന്റെ മുൻ കരാർ 2022/23 സീസണിന്റെ അവസാനത്തോടെ അവസാനിക്കും.
2010-ൽ ബെൻഫിക്കയിൽ ചേരുന്നതിന് മുമ്പ് ഒളിമ്പിജ ലുബ്ലിയാനയ്‌ക്കൊപ്പം സ്വന്തം രാജ്യത്ത് തന്റെ കരിയർ ആരംഭിച്ച സ്ലൊവേനിയൻ ഇന്റർനാഷണൽ താരം ഒബ്ലാക്ക്, പോർച്ചുഗീസ് ക്ലബ്ബുമായി കരാറിലേർപ്പെട്ടെങ്കിലും കാര്യമായ നേട്ടമുണ്ടാക്കാനായില്ല.എന്നാൽ ഒബ്ലാക്ക് 2014 വേനൽക്കാലത്ത് അത്ലറ്റിക്കോയിൽ ചേർന്നത്തിനു ശേഷം യൂറോപ്യൻ ഫുട്ബോളിലെ ഏറ്റവും മികച്ച ഗോൾകീപ്പർമാരിൽ ഒരാളായി സ്വയം കഴിവ് തെളിയിച്ചു.സ്പാനിഷ് ഭീമന്മാർക്ക് വേണ്ടി 352 മത്സരങ്ങൾ കളിച്ചു, 2020/21 സീസണിൽ ലാ ലിഗ വിജയിക്കുകയും 175 ക്ലീൻ ഷീറ്റുകൾ താരം തന്റെ പേരില്‍ സൂക്ഷിക്കുകയും ചെയ്യുന്നു.കഴിഞ്ഞ വർഷം അദ്ദേഹത്തിന്റെ ഫോമിനു നേരിയ കോട്ടം പറ്റിയിരുന്നു എങ്കിലും താരത്തിന്റെ പ്രകടനത്തില്‍ മാനേജ്മെന്റും സിമിയോണിയും തൃപ്തര്‍ ആണ്.
