ഫ്രീ ട്രാൻസ്ഫറിൽ യുവന്റസിൽ നിന്ന് ഫെഡറിക്കോ ബെർണാഡെഷി ടൊറന്റോ എഫ്‌സിയിൽ ചേർന്നു
ഇറ്റലി വിങ്ങർ ഫെഡറിക്കോ ബെർണാഡെഷി യുവന്റസിൽ നിന്ന് ഫ്രീ ട്രാൻസ്ഫറിൽ ടൊറന്റോ എഫ്‌സിയിൽ ചേർന്നു.കഴിഞ്ഞ വേനൽക്കാലത്ത് ഇറ്റലിയുടെ യൂറോ 2020 ജേതാക്കളായ ടീമിന്റെ ഭാഗമായിരുന്ന 28-കാരൻ മേജർ ലീഗ് സോക്കർ ടീമുമായി നാല് വർഷത്തെ കരാറിൽ ഒപ്പുവച്ചു.2018 മുതൽ 2020 വരെ തുടർച്ചയായി മൂന്ന് സീരി എ കിരീടങ്ങൾ ഉൾപ്പെടെ അഞ്ച് സീസണുകളിലായി യുവെയ്‌ക്കൊപ്പം ഏഴ് ട്രോഫികൾ അദ്ദേഹം നേടി.
2017ൽ 35 മില്യൺ പൗണ്ടിന്റെ ഇടപാടിൽ യുവന്റസിലേക്ക് മാറുന്നതിന് മുമ്പ് 2013-2014 കാലയളവിൽ ക്രോട്ടോണിൽ ലോൺ സ്‌പെൽ താരം പൂര്‍ത്തിയാക്കിയിട്ടുണ്ട്.താരം നാപോളിയില്‍ കളിക്കാനുള്ള അവസരം ഉപേക്ഷിച്ചാണ് കാനഡിയന്‍ ക്ലബിലേക്ക് ചേക്കേറുന്നത്.ടൊറന്റോ എഫ്‌സി നടത്താന്‍ ഉദ്ദേശിക്കുന്ന സ്പോര്‍ട്ടിംഗ് പ്രോജക്റ്റിനു താരം വലിയ ഒരു മുതല്‍ കൂട്ടാകും എന്ന് ടൊറന്റോ പരിശീലകനും കായിക ഡയറക്ടറുമായ ബോബ് ബ്രാഡ്‌ലി പറഞ്ഞു.
