Foot Ball ISL transfer news

സൈമൺ ​ഗ്രേസനെ പുതിയ പരിശീലകനായി പ്രഖ്യാപിച്ച് ബെം​ഗളൂരു എഫ്‌സി

June 8, 2022

author:

സൈമൺ ​ഗ്രേസനെ പുതിയ പരിശീലകനായി പ്രഖ്യാപിച്ച് ബെം​ഗളൂരു എഫ്‌സി

ഇം​ഗ്ലീഷ് പരിശീലകൻ സൈമൺ ​ഗ്രേസനെ പുതിയ പരിശീലകനായി പ്രഖ്യാപിച്ച് ഐഎസ്എൽ ക്ലബ് ബെം​ഗളൂരു എഫ്‌സി. ഇറ്റാലിയൻ-ജർമൻ പരിശീലകൻ മാർക്കോ പെസായോളിക്ക് പകരക്കാരനായാണ് സൈമൺ എത്തുന്നത്. രണ്ട് വർഷത്തെ കരാറിലാണ് ​ഗ്രേസൺ ബെം​ഗളുരു ഡ​​ഗ്ഔട്ടിലേക്കെത്തുന്നത്. ഇംഗ്ലണ്ടിലെ മുൻനിര ഡിവിഷനുകളിൽ കളിക്കാരനായി 500-ലധികം മത്സരങ്ങൾ കളിച്ചിട്ടുള്ള ഗ്രേസൺ 2004-ലാണ് പരിശീലക വേഷത്തിലേക്ക് മാറുന്നത്.

അതിനുശേഷം ഏഴ് ക്ലബ്ബുകളിലായി 728 മത്സരങ്ങളാണ് സൈമൺ ​ഗ്രേസൺ ടീമിനെ ഒരുക്കിയിരിക്കുന്നത്. ഒരു മാനേജർ കരിയറിൽ ഇംഗ്ലീഷ് ഡിവിഷനിലെ നാല് ടീമുകളുടെ പ്രമോഷനിൽ എത്തിച്ചുണ്ട് എന്നതാണ് നേട്ടങ്ങൾ. 52-കാരനായ ​ഗ്രേസൺ ഇം​ഗ്ലീഷ് ഫുട്ബോളിന് പുറത്ത് ചുമതലയേൽക്കുന്നത് ഇതാദ്യമാണ്.

ഇം​ഗ്ലണ്ടിലെ രണ്ടാം ഡിവിഷനിലും മൂന്നാം ഡിവിഷനിലുമാണ് ​ഗ്രേസൺ ​ദീർഘകാലം പരിശീലകനായിരുന്നത്. ലിഡ്സ് യുണൈറ്റഡ്, ബ്ലാക്ക്പൂൾ, സണ്ടർലൻഡ്, പ്രെസ്റ്റൻ നോർത്ത് എൻഡ്, ഹഡേഴ്സ്ഫീൽഡ് ടൗൺ തുടങ്ങിയ പ്രമുഖ ക്ലബുകളെയാണ് അദ്ദേഹം പരിശീലിപ്പിച്ചിരിക്കുന്നത്.

Leave a comment

Your email address will not be published. Required fields are marked *