ഐസിസി വനിതാ ഏകദിന ബാറ്റിംഗ് റാങ്കിംഗിൽ സ്മൃതി മന്ദാന ഉയർന്നപ്പോള്,സ്ഥാനമിടിഞ്ഞു മിതാലി രാജ്
ചൊവ്വാഴ്ച പുറത്തിറക്കിയ ഐസിസി വനിതാ ഏകദിന ബാറ്റേഴ്സ് റാങ്കിംഗിൽ സ്റ്റാർ ഓപ്പണർ സ്മൃതി മന്ദാന ഒമ്പതാം സ്ഥാനത്തേക്ക് ഉയർന്നപ്പോള് ഇന്ത്യൻ ക്യാപ്റ്റൻ മിതാലി രാജ് ഏഴാം സ്ഥാനത്തേക്ക് പിന്തള്ളപ്പെട്ടു.ഇപ്പോൾ സമാപിച്ച വനിതാ ലോകകപ്പിലെ പ്രകടനത്തിന് ശേഷം മിതാലി 686 റേറ്റിംഗ് പോയിന്റുമായി ചാർട്ടിൽ ഇടം നേടി. ഏഴ് കളികളിൽ നിന്ന് 26 ശരാശരിയിൽ 182 റൺസാണ് ഇന്ത്യൻ ക്യാപ്റ്റൻ നേടിയത് എങ്കില് മന്ദാന (669 പോയിന്റ്) ഏഴ് കളികളിൽ നിന്ന് 327 റൺസ് നേടി.
ഇരുവർക്കും പുറമെ വൈസ് ക്യാപ്റ്റൻ ഹർമൻപ്രീത് കൗർ ഒരു സ്ഥാനം കയറി 14-ാം സ്ഥാനത്തെത്തി.ഏഴ് മത്സരങ്ങളിൽ നിന്ന് 318 റൺസ് നേടിയ ഹർമൻപ്രീത് ലോകകപ്പിലെ ഇന്ത്യയുടെ ഏറ്റവും മികച്ച രണ്ടാമത്തെ ബാറ്ററായിരുന്നു.ഇംഗ്ലണ്ടിനെതിരായ ഫൈനലിൽ 170 റൺസ് നേടിയ ഓസ്ട്രേലിയൻ കീപ്പർ-ബാറ്ററായ അലിസ ഹീലി ബാറ്റർ റാങ്കിംഗിൽ ഒന്നാമതെത്തി.32 കാരിയായ ഹീലി 103.66 സ്ട്രൈക്ക് റേറ്റിൽ തന്റെ ഒമ്പത് മത്സരങ്ങളിൽ നിന്ന് രണ്ട് സെഞ്ചുറികളും രണ്ട് അർദ്ധ സെഞ്ച്വറികളും ഉൾപ്പെടെ 509 റൺസ് അടിച്ചെടുത്തിരുന്നു.