മൂന്നാം വിജയം തേടി യുണൈറ്റഡ്
തുർക്കി ചാമ്പ്യൻമാരായ ഇസ്താംബുൾ ബസക്‌സീറിലേക്കുള്ള യാത്രയില്‍ ആണ് മാഞ്ചസ്റ്റർ യുണൈറ്റഡ്.ഇന്ന് രാത്രി ഇന്ത്യന്‍ സമയം പതിനൊന്നേ ഇരുപത്തിയഞ്ച് മണിക്ക് ആണ് ഇരുവരും തമ്മില്‍ ഉള്ള മല്‍സരം.റെഡ് ഡെവിൾസ് ഇതുവരെ രണ്ട് ഗ്രൂപ്പ് എച്ച് മത്സരങ്ങളിലും വിജയിച്ചിട്ടുണ്ട് അവര്‍ ഗ്രൂപ്പ് ഘട്ടത്തില്‍ ഒന്നാം സ്ഥാനത്താണ്.അവസാന സ്ഥാനത്താണ് ഇസ്താന്‍ബുള്‍ ഇപ്പോഴുള്ളത്.
പാരിസ് സെൻറ് ജെർ‌മെയിനിൽ 2-1 ന് ജയിച്ച ശേഷം യുണൈറ്റഡ് തങ്ങളുടെ യൂറോപ്യൻ പ്രചാരണത്തിന് മികച്ച തുടക്കം കുറിച്ചു, ആർ‌ബി ലീപ്സിഗിനെതിരെ 5-0 ന് ഹോം ജയവും കൂടി ആയതോടെ യൂറോപ്യന്‍ ചാംപ്യന്‍ഷിപ്പില്‍ മികച്ച ആത്മവിശ്വാസത്തോടെ ആയിരിക്കും അവര്‍ ഇന്ന് ഇറങ്ങാന്‍ പോകുന്നത്.കഴിഞ്ഞ മല്‍സരത്തില്‍ ആഴ്സണലിനോട് തോറ്റ അധ്യായം മറക്കാന്‍ ആയിരിക്കും ഒലെയും സംഘവും ആഗ്രഹിക്കുന്നത്.
