ബ്രസീലിയന്‍ വണ്ടര്‍ കിഡിനെ സൈന്‍ ചെയ്തു ബാഴ്സലോണ
സാവോ പോളോയിൽ നിന്ന് 4 മില്യൺ ഡോളറിന് ബാഴ്സലോണ ബ്രസീലിയന്‍ വണ്ടര്‍ കിഡ് ഗുസ്താവോ മൈയയെ സൈന്‍ ചെയ്തു.19 കാരനായ വിംഗര്‍ ബാഴ്‌സലോണയുടെ ബി സ്‌ക്വാഡിലേക്ക് കടക്കും. കറ്റാലൻ ക്ലബുമായുള്ള കരാറിൽ 300 മില്യൺ ഡോളർ ബയ് ഔട്ട് ക്ലോസ് ഉണ്ടെന്ന് അവരുടെ ഔദ്യോഗിക വെബ്‌സൈറ്റ് റിപ്പോർട്ട് ചെയ്യുന്നു.
സാവോ പോളോയ്ക്ക് വേണ്ടി സീനിയർ ഗെയിം കളിച്ചില്ലെങ്കിലും യുവതലത്തിൽ മൈയ ക്ലബ്ബിനെ വളരെയധികം സ്വാധീനിച്ചു.14-ാം വയസ്സിൽ സാവോ പോളോയിൽ ചേർന്ന അദ്ദേഹം, 2018 ൽ 38 കളികളിൽ നിന്ന് 30 തവണ നെറ്റ് കണ്ടെത്തി മികച്ച ഒരു സീസണ്‍ ആസ്വദിക്കുകയും ചെയ്തു.വലം കാലനായ മൈയ ക്ലബുകളിലും മറ്റും ഇടത്ത് വിങ്ങിലൂടെ നടത്തുന്ന മുന്നേറ്റം ചെറുതല്ല.
