തിയാഗോ അൽകാന്റയെ സൈന്‍ ചെയ്യാന്‍ ലക്ഷ്യമിട്ട് തുര്‍ക്കിഷ് ക്ലബ്
ലിവർപൂൾ മിഡ്‌ഫീൽഡ് താരം തിയാഗോ അൽകന്റാരയെ സൈന്‍ ചെയ്ത് അവരുടെ ടീമിനെ ശക്തിപ്പെടുത്താൻ ഗലാറ്റസരെ താൽപ്പര്യപ്പെടുന്നു.ക്ലബ് അധികൃതര്‍ താരവുമായി ചര്‍ച്ച നടത്തിയതായി റിപ്പോര്‍ട്ട് ഉണ്ട്.തിയാഗോ അൽകന്റാരയെ ക്ലോപ്പിന്റെ നിര്‍ദേശ പ്രകാരം 2020 ൽ ആണ് ലിവര്‍പൂള്‍ സൈന്‍ ചെയ്തത്.പക്ഷേ കാര്യങ്ങൾ ആസൂത്രണം ചെയ്തതുപോലെ നടന്നില്ല. പരിക്കുകൾ മൂലം മിഡ്ഫീൽഡറുടെ കഴിവ് പുറത്ത് എടുക്കാന്‍ കഴിയാതെ പോയി.
കഴിഞ്ഞ ടേമിൽ സ്പെയിൻ താരം കളിച്ചത് വെറും പതിനെട്ട് മത്സരങ്ങള്‍ മാത്രം ആണ്.2024-ൽ കരാർ കാലഹരണപ്പെടുന്നതിനാൽ, മറ്റ് താരങ്ങൾക്കൊപ്പം വിൽക്കപ്പെടുമെന്ന് മുൻ റിപ്പോർട്ടുകൾ അവകാശപ്പെട്ടിട്ടും ലിവർപൂൾ ഇതുവരെ താരത്തിന്‍റെ കാര്യത്തില്‍ ഉറച്ച തീരുമാനമെടുത്തിട്ടില്ല.മിഡ്ഫീൽഡില്‍ ലിവര്‍പൂള്‍ ഇതുവരെ രണ്ടു ബ്രാന്‍ഡ്‌ ന്യൂ സൈനിങ്ങുകള്‍ നടത്തി കഴിഞ്ഞിരിക്കുന്നു.ഒന്ന് അര്‍ജന്ട്ടയിന്‍ താരം ആയ മക് അലിസ്റ്ററും മറ്റേത് ഹംഗറി ടീം ക്യാപ്റ്റന്‍ ആയ ഡൊമിനിക് സോബോസ്ലായിയുമാണ്.അതിനാല്‍ ഇനി വെറ്ററന്‍ താരമായ തിയഗോയുടെ സേവനം തങ്ങള്‍ക്ക് എത്രതോള്ളം വേണമെന്ന് വിലയിരുത്തുകയാണ് ലിവര്‍പൂള്‍ മാനെജ്മെന്റ് ഇപ്പോള്‍.
