ന്യൂ കാസിലിനെ നേരിടാന് മാഞ്ചസ്റ്റര് യുണൈറ്റഡ്
ഞായറാഴ്ച ഉച്ചതിരിഞ്ഞ് പ്രീമിയർ ലീഗിൽ ഫോമിലുള്ള ന്യൂകാസിൽ യുണൈറ്റഡിനെ ഓൾഡ് ട്രാഫോർഡിലേക്ക് സ്വാഗതം ചെയ്യുമ്പോൾ മാഞ്ചസ്റ്റർ യുണൈറ്റഡ് ആദ്യ നാല് സ്ഥാനങ്ങളില് എത്താനുള്ള പരിശ്രമം തുടര്ന്നേക്കും.റെഡ് ഡെവിൾസ് നിലവിൽ ടേബിളിൽ അഞ്ചാം സ്ഥാനത്താണ്, അവരുടെ ആദ്യ എട്ട് മത്സരങ്ങളിൽ നിന്ന് 15 പോയിന്റുമായി തുടരുന്നു, അതേസമയം ന്യൂകാസിൽ 14 പോയിന്റുമായി ആറാം സ്ഥാനത്താണ്.ഇന്ത്യന് സമയം ആറര മണിക്ക് ആണ് മത്സരം.
യൂറോപ്പ ലീഗിൽ ഒമോണിയയ്ക്കെതിരെ വ്യാഴാഴ്ചത്തെ 1-0 വിജയം നേടിയ യുണൈറ്റഡ് പതിയെ പതിയെ ഫോമിലേക്ക് ഉള്ള തിരിച്ചുവരവിനുള്ള സാധ്യതകള് കാണിച്ചു തുടങ്ങുന്നുണ്ട്.മാൻ യുണൈറ്റഡ് പരിശീലകനെന്ന നിലയിൽ തന്റെ കരിയറിന്റെ ആദ്യ ഘട്ടങ്ങളിൽ നേരിട്ട പ്രയാസങ്ങള്ക്ക് എല്ലാം ടെൻ ഹാഗ് മറുപടി കണ്ടെത്തുന്നുണ്ട്.ഇനി വരാനിരിക്കുന്ന ആഴ്ച്ചകള് റെഡ് ഡെവിൾസിന് പരീക്ഷണ കാലഘട്ടം തന്നെ ആണ്. എന്തെന്നാല് ഇനിയുള്ള വരാനിരിക്കുന്ന മത്സരങ്ങളില് അവരുടെ എതിരാളികള് ടോട്ടൻഹാം ഹോട്സ്പർ, ചെൽസി, വെസ്റ്റ് ഹാം യുണൈറ്റഡ് എന്നിവര് ആണ്.അതിനാല് ഇന്നത്തെ മത്സരത്തില് എല്ലാ മേഘലയിലും ആധിപത്യം പുലര്ത്തി വിജയം നേടി പട്ടികയില് തങ്ങളുടെ സ്ഥാനം മെച്ചപ്പെടുത്തുകയാണ് ഡെവിള്സിന്റെ ലക്ഷ്യം.
