ഗുണ്ടോഗൻ , ബാഴ്സയുടെ പുതിയ ട്രാന്സ്ഫര് ലക്ഷ്യം
മാഞ്ചസ്റ്റർ സിറ്റി മിഡ്ഫീൽഡർ ഇൽകെ ഗുണ്ടോഗന്റെ കരാർ സാഹചര്യം ബാഴ്സലോണ സൂക്ഷ്മമായി നിരീക്ഷിക്കുന്നുണ്ടെന്ന് റിപ്പോർട്ട്.പ്രീമിയർ ലീഗ് ചാമ്പ്യൻമാരുമായുള്ള കരാറിന്റെ അവസാന വർഷത്തിലേക്ക് പ്രവേശിച്ചതിന് ശേഷം സീസണിന്റെ അവസാനത്തിൽ ജർമ്മനി ഇന്റർനാഷണൽ താരം ഒരു സ്വതന്ത്ര ഏജന്റായി മാറും.
ഇത്തിഹാദിൽ ഒരു പുതിയ കരാർ ഒപ്പിടാൻ താൻ തയ്യാറാണെന്ന് 31-കാരൻ ഈ വർഷം ആദ്യം സൂചിപ്പിച്ചിരുന്നു, എന്നിരുന്നാലും താരം സിറ്റിക്ക് വേണ്ടി ബെഞ്ചില് കഴിയാന് ആഗ്രഹിക്കുന്നില്ല, കൂടുതല് മത്സരങ്ങളില് മുഖം കാണിക്കുക എന്നതാണ് അദ്ദേഹത്തിന്റെ ലക്ഷ്യം. ഈ ജനുവരി മുതല് താരത്തിന് മറ്റു ക്ലബുകളുമായി കരാര് ചര്ച്ച ചെയ്യാന് ഉള്ള സ്വാതന്ത്ര്യം ഉണ്ട്.ഈ അവസരം മുതലെടുക്കാന് ആണ് ബാഴ്സയുടെ തീരുമാനം.ഇത്തിഹാദിൽ നിന്ന് ബെർണാഡോ സിൽവയെ സൈന് ചെയ്യുക എന്നതാണ് ബാഴ്സയുടെ പ്രാഥമിക ലക്ഷ്യം.ഇത് നടന്നില്ലെങ്കില് മാത്രം ആയിരിക്കും ഓപ്ഷന് ബി ആയ ഗുണ്ഡോഗന്റെ അടുത്തേക്ക് ബാഴ്സ ശ്രദ്ധ തിരിക്കുകയുള്ളൂ.
