ഒന്നാം സ്ഥാനത്ത് എത്താൻ എടികെ ഇന്ന് നോര്‍ത്ത് ഈസ്റ്റ് യുണൈറ്റഡിനെ നേരിടും
ഹീറോ ഇന്ത്യൻ സൂപ്പർ ലീഗിലെ ആറാം സീസണിലെ അറുപത്തിയെട്ടാം മത്സരത്തിൽ ഇന്ന് എടികെ ഇന്ന് നോര്‍ത്ത് ഈസ്റ്റിനെ നേരിടും. കൊൽക്കത്തയുടെ ഹോം ഗ്രൗണ്ടിൽ ഇന്ന് രാത്രി 7:30ന് ആണ് മല്‍സരം. പ്ലേ സാധ്യത ഉറപ്പിച്ച കൊൽക്കത്ത ഇന്ന് ജയിച്ച് ഒന്നാം സ്ഥാനത്ത് എത്താൻ ആകും ശ്രമിക്കുക. നിലവിൽ അവർ മൂന്നാം സ്ഥാനത്താണ്. അതേസമയം ഈ സീസണിൽ മികച്ച പ്രകടനത്തോടെ ഈ സീസൺ തുടങ്ങിയ നോർത്ത് ഈസ്റ്റ് ഏറ്റവും മോശം പ്രകടനമാണ് ഇപ്പോൾ നടത്തുന്നത്. ഈ സീസണിൽ രണ്ട് ജയം മാത്രമാണ് അവർക്കുള്ളത്.
കഴിഞ്ഞ ഏഴ് മത്സരങ്ങളിൽ ഒരു കാളിപോലും നോർത്ത് ഈസ്റ്റിന് ജയിക്കാൻ കഴിഞ്ഞിട്ടില്ല. നിലവില്‍ 11 പോയിന്റുള്ള അവര്‍ ഒന്‍പതാംസ്ഥാനത്തും , 24 പോയിന്റുള്ള എടികെ മൂന്നാം സ്ഥാനത്തുമാണ് ഉള്ളത്. 11 തവണ രണ്ട് ടീമുകളും ഏറ്റുമുട്ടിയപ്പോൾ ആറ് തവണ ജയം എടികെയ്ക്കൊപ്പം ആയിരുന്നു. മൂന്ന് തവണ മാത്രമാണ് നോർത്ത് ഈസ്റ്റ് ജയിച്ചത്.
