പ്രിത്വിരാജിന് പിന്നാലെ അസിഫ് അലിയും : കണ്ണൂർ വാരിയേഴ്സിൽ സഹ ഉടമയായി ആസിഫ് അലിയും

ഇൻട്രാ സ്റ്റേറ്റ് ഫുട്ബോൾ ലീഗായ സൂപ്പർ ലീഗ് കേരളയ്ക്കായി സംസ്ഥാനവും കളിക്കാരും തയ്യാറെടുക്കുമ്പോൾ, കണ്ണൂർ വാരിയേഴ്‌സ് വാഴ്സിറ്റി എഫ്‌സി എന്ന ടീമിൻ്റെ പങ്കാളിയായി നടൻ ആസിഫ് അലി ചേർന്നു.

കണ്ണൂർ ഇൻ്റർനാഷണൽ എയർപോർട്ട് ലിമിറ്റഡ് (കിയാൽ) ഡയറക്ടർ ഡോ എം പി ഹസ്സൻ കുഞ്ഞി, കാസിൽ ഗ്രോപ്പു എംഡി മിബു ജോസ് നെറ്റിക്കാടൻ, ഡിഡിസി, ഡിഡിഎൻഎംആർസി ഡയറക്ടർ അജിത് ജോയ്, ഐഎഎം ബിസിനസ് സ്കൂൾ എംഡി മുഹമ്മദ് സാലിഹ് എന്നിവരാണ് മറ്റ് ടീം പ്രമോട്ടർമാർ.

ആസിഫ് ടീമിൻ്റെ ഡയറക്ടറായും സെലിബ്രിറ്റി ഉടമയായും ഹസൻ ചെയർമാനായും പ്രവർത്തിക്കും. കേരള ഫുട്‌ബോൾ അസോസിയേഷനും യുണൈറ്റഡ് ഫുട്‌ബോൾ സ്‌പോർട്‌സ് ഡെവലപ്‌മെൻ്റും ചേർന്ന് സംഘടിപ്പിക്കുന്ന ലീഗിൻ്റെ ആദ്യ സീസണിൽ ആറ് ടീമുകളാണ് കപ്പിനായി മത്സരിക്കുന്നത്. തിരുവനന്തപുരം കൊമ്പൻസ് എഫ്‌സി, ഫോഴ്സ് കൊച്ചി എഫ്‌സി, തൃശൂർ മാജിക് എഫ്‌സി, മലപ്പുറം എഫ്‌സി, കാലിക്കറ്റ് ഫുട്‌ബോൾ ക്ലബ്, കണ്ണൂർ വാഴ്സിറ്റി എഫ്‌സി എന്നിവയാണ് അവ. നേരത്തെ പൃഥ്വിരാജ് ഫോഴ്സ് കൊച്ചി എഫ്‌സിയെ സ്വന്തമാക്കിയിരുന്നു.

സെപ്തംബർ ഏഴിന് കൊച്ചി ജവഹർലാൽ നെഹ്‌റു രാജ്യാന്തര സ്റ്റേഡിയത്തിൽ മലപ്പുറം എഫ്‌സിയും ഫോഴ്സ് കൊച്ചി എഫ്‌സിയും.തമ്മിലുള്ള മല്സരത്തോടെയാണ് ലീഗ് ആരംഭിക്കുന്നത്.