കോപ 2024 ; ആഫ്രിക്കന്‍ കുതിരകളെ തളക്കാന്‍ മെക്സിക്കൊ
തങ്ങളുടെ ചരിത്രത്തിൽ മൂന്നാം തവണയും കോപ്പ അമേരിക്ക കളിക്കുന്ന ജമൈക്ക ഇന്ന് തങ്ങളുടെ കാമ്പെയിന് തുടക്കം കുറിക്കും.നാളെ രാവിലെ ഇന്ത്യന്‍ സമയം ആറര മണിക്ക് ആണ് മല്‍സരം.ഇതുവരെ ഒരു കോപ മല്‍സരത്തില്‍ പോലും ജയിക്കാന്‍ കഴിയാത്ത ജമൈക്കന്‍ ടീമിന്റെ എതിരാളി കരുത്തര്‍ ആയ മെക്സിക്കോയാണ്.
മെക്സിക്കോയുടെ പ്രകടനം കഴിഞ്ഞ കുറച്ചു വര്‍ഷങ്ങള്‍ ആയി ഓഫ് ചാര്‍ട്ടില്‍ ആയിരുന്നു എങ്കിലും നിലവില്‍ ഈ ടീം പതിയെ പതിയെ ഫോമിലേക്ക് ഉയര്‍ന്നു കൊണ്ടിരിക്കുന്നു.കഴിഞ്ഞ രണ്ടു സൌഹൃദ മല്‍സരങ്ങളിലും പരാജയപ്പെട്ടു എന്നത് ശരി തന്നെ ആണ്.എന്നാല്‍ അവര്‍ക്കെതിരെ കളിച്ചത് സാക്ഷാല്‍ കത്തുന്ന ഫോമില്‍ നില്‍ക്കുന്ന ഉറുഗ്വേയും അതുപോലെ മറ്റൊരു ലാറ്റിന്‍ അമേരിക്കന്‍ പവര്‍ ഹൌസ് ആയ ബ്രസീലിനുമെതിരെ ആണ്.ഇന്നതെ മല്‍സരത്തില്‍ ജമൈക്കന്‍ ടീമിനെതിരെ എന്തു കൊണ്ടും ഫേവറിറ്റ്സ് മെക്സിക്കൊ തന്നെ ആണ്.
