യു – ടേണ്‍ അടിച്ച് സാവി ; ബാഴ്‌സലോണ പരിശീലകനായി തുടരാൻ സമ്മതിച്ച് സ്പാനിഷ് താരം
2025-ൽ കരാർ അവസാനിക്കുന്നത് വരെ ബാഴ്‌സലോണ കോച്ചായി തുടരാൻ സാവി ഹെർണാണ്ടസ് സമ്മതിച്ചു.ഈ സീസനോടെ ക്ലബ് വിടുമെന്ന തീരുമാനത്തില്‍ ആയിരുന്നു അദ്ദേഹം.മോശം ഫലങ്ങളുടെ ഒരു നിരയെ തുടർന്ന് സീസണിൻ്റെ അവസാനത്തിൽ താൻ സ്ഥാനത്തുനിന്ന് മാറുമെന്ന് 44 കാരനായ സാവി ജനുവരിയിൽ പ്രഖ്യാപിച്ചു.ക്ലബിലെ സാഹചര്യം തന്നെ ഏറെ മടുപ്പിക്കുന്നു എന്നും അദ്ദേഹം പറഞ്ഞിരുന്നു.
എന്നിരുന്നാലും, ബുധനാഴ്ച പ്രസിഡൻ്റ് ജോവാൻ ലാപോർട്ടുമായുള്ള കൂടിക്കാഴ്ചയെത്തുടർന്ന്, കറ്റാലൻ ക്ലബ്ബുമായുള്ള കരാർ പ്രതിബദ്ധത നിറവേറ്റാൻ മുൻ സ്പെയിൻ ഇൻ്റർനാഷണൽ താരം തീരുമാനിച്ചു.ബുധനാഴ്ച രാത്രി മീറ്റിങ് കഴിഞ്ഞ് ബാഴ്‌സലോണ വൈസ് പ്രസിഡൻ്റ് റാഫ യുസ്റ്റെ ആണ് വാര്‍ത്ത ഒഫീഷ്യല്‍ ആക്കിയത്.2021-ൽ സാവിയെ ബാഴ്സ പരിശീലകനായി നിയമിച്ചു, കഴിഞ്ഞ സീസണിൽ നാല് വർഷത്തിനുള്ളിൽ അവരുടെ ആദ്യ ലീഗ് കിരീടത്തിലേക്ക് നയിക്കാന്‍ അദ്ദേഹത്തിന് കഴിഞ്ഞു.ആ കാരണം കൊണ്ടാണ് 2025 ജൂൺ 30 വരെ സാവിയുടെ കരാര്‍ ബാഴ്സ പുതുക്കിയത്.
