ബഹറിൻ പാരാ ബാഡ്മിന്റൺ ഇന്റർനാഷണൽ: ഇന്ത്യൻ താരങ്ങൾക്ക് നേട്ടം
പാരാലിമ്പിക്‌സ് ചാമ്പ്യൻ പ്രമോദ് ഭഗത് രണ്ട് സ്വർണവും ഒരു വെങ്കലവും നേടിയപ്പോൾ സുകാന്ത് കദവും ചൊവ്വാഴ്ച ബഹ്‌റൈൻ പാരാ ബാഡ്മിന്റൺ ഇന്റർനാഷണലിൽ സ്വർണം നേടി.
30 മിനിറ്റ് നീണ്ടുനിന്ന മത്സരത്തിൽ 21-16, 21-17 എന്ന സ്‌കോറിനാണ് പ്രമോദ് വിജയിച്ചത്.പിന്നീട്, പുരുഷ ഡബിൾസ് ഫൈനലിൽ പ്രമോദ് സുകാന്തിനൊപ്പം നിതേഷ് കുമാറിനെയും തരുണിനെയും 24-22, 21-9 എന്ന സ്‌കോറിന് പരാജയപ്പെടുത്തി. മിക്സഡ് ഡബിൾസിൽ പ്രമോദ് ഭഗത്-മനീഷ രാംദാസ് സഖ്യവും വെങ്കലം ഉറപ്പിച്ചു.
മറ്റ് ഫലങ്ങളിൽ, വനിതകളുടെ എസ് യു5 സിംഗിൾസിൽ ഇന്ത്യയുടെ തുളസിമതി മുരുകേശൻ വെള്ളിയും പുരുഷ സിംഗിൾസ് എസ് എച്ച് 6 ൽ കൃഷ്ണ നഗർ വെള്ളിയും നേടി. മിക്സഡ് ഡബിൾസിൽ എസ് യു5-ൽ ചിരാഗ് ബരേത-രാജ് കുമാർ സഖ്യം വെള്ളിയും വനിതകളുടെ എസ് എൽ 3- എസ് യു5-ൽ മാനസി ജോഷി-തുളസിമതി മുരുകേശൻ സഖ്യം വെള്ളിയും നേടി.
