ഐപിഎൽ 2023: ഗുജറാത്ത് ടൈറ്റൻസിനെ തോൽപ്പിച്ച് ചെന്നൈ അവരുടെ പത്താം ഐപിഎൽ ഫൈനലിൽ പ്രവേശിച്ചു
റുതുരാജ് ഗെയ്ക്വാദ് 44 പന്തിൽ 60 റൺസ് നേടിയപ്പോൾ ഓൾറൗണ്ടർ രവീന്ദ്ര ജഡേജ 16 പന്തിൽ 22 റൺസ് നേടി തന്റെ നാലോവറിൽ 2 വിക്കറ്റ് നേടി ടീമിനെ ഈ സീസണിലെ ഫൈനലിലേക്ക് പ്രവേശിപ്പിച്ചു. ചെന്നൈയിൽ നടന്ന മത്സരത്തിൽ ടോസ് നേടിയ ക്യാപ്റ്റൻ ഹാർദിക് പാണ്ഡ്യ ആദ്യം ഫീൽഡിംഗ് തിരഞ്ഞെടുക്കുകയായിരുന്നു. ഗെയ്ക്വാദിന്റെ ഓപ്പണിംഗ് പങ്കാളിയായ ഡെവൺ കോൺവേ 34 പന്തിൽ 40 റൺസെടുത്തപ്പോൾ സൂപ്പർ കിംഗ്സിന് നിശ്ചിത 20 ഓവറിൽ 172/7 എന്ന മത്സര സ്കോറിലെത്താൻ കഴിഞ്ഞു. സീമർമാരായ മോഹിത് ശർമയും മുഹമ്മദ് ഷമിയും ടൈറ്റൻസിനായി രണ്ട് വീതം വിക്കറ്റുകൾ വീഴ്ത്തി.
മറുപടി ബാറ്റിംഗിൽ വിക്കറ്റ് കീപ്പർ വൃദ്ധിമാൻ സാഹ 12 റൺസെടുത്തപ്പോൾ ഹാർദിക് എട്ട് റൺസ് മാത്രം എടുത്ത് പുറത്തായി. 38 പന്തിൽ 42 റൺസെടുത്ത ശുഭ്മാൻ ഗിൽ വീണ്ടും തിളങ്ങി. ജഡേജയുടെ പന്തിൽ ഡേവിഡ് മില്ലർ നാല് റൺസെടുത്തപ്പോൾ ദസുൻ ഷനകയും വിജയ് ശങ്കറും യഥാക്രമം 17 ഉം 14 ഉം റൺസെടുത്തു പുറത്തായി.
ദീപക് ചാഹർ, മഹേഷ് തീക്ഷണ, മതീഷ പതിരണ എന്നിവർ രണ്ട് വിക്കറ്റ് വീതം വീഴ്ത്തി, മത്സരത്തിന്റെ അവസാന പന്തിൽ ടൈറ്റൻസ് 157 റൺസിന് പുറത്തായി. ഇതോടെ ചെന്നൈ വിജയം സ്വാന്തമാക്കി. ലഖ്നൗ സൂപ്പർ ജയന്റ്സും മുംബൈ ഇന്ത്യൻസും തമ്മിലുള്ള എലിമിനേറ്റർ പോരാട്ടത്തിലെ വിജയിയെ ക്വാളിഫയർ രണ്ടിൽ ടൈറ്റൻസ് നേരിടും. തന്റെ നിർണായകമായ അർധസെഞ്ചുറിക്ക് ഗെയ്ക്ക്വാദ് പ്ലെയർ ഓഫ് ദി മാച്ച് അവാർഡ് നേടി.