ഫെഡറേഷൻ കപ്പ് അത്ലറ്റിക്സ്: കേരളത്തിന് രണ്ട് സ്വർണം കൂടി
റാഞ്ചിയിൽ നടക്കുന്ന 26-ാമത് ഫെഡറേഷൻ കപ്പ് സീനിയർ അത്ലറ്റിക്സ് ചാമ്പ്യൻഷിപ്പിന്റെ അവസാന ദിനത്തിൽ കേരളം രണ്ട് സ്വർണം കൂടി ഉറപ്പിച്ചു.
വനിതാ വിഭാഗത്തിൽ ലോങ് ജംപർ ആൻസി സോജൻ 6.56 മീറ്റർ ചാടി സ്വർണം നേടിയപ്പോൾ സഹതാരം നയന ജെയിംസ് 6.30 മീറ്റർ ചാടി വെങ്കലം നേടി. പുരുഷന്മാരുടെ ലോങ്ജമ്പിൽ അബ്ദുള്ള അബൂബക്കർ കേരളത്തിന് രണ്ടാം സ്വർണം സമ്മാനിച്ചു. 16.76 മീറ്ററിലെ മൂന്നാം ചാട്ടം ഏഷ്യൻ ചാമ്പ്യൻഷിപ്പ് യോഗ്യതാ മാർക്കായ 16.60 മീറ്ററും ക്ലിയർ ചെയ്തു.