ഐപിഎൽ : പകരം വീട്ടാൻ സൺറൈസേഴ്സ് ഹൈദരാബാദും തുടർച്ചയായ മൂന്നാം ജയം തേടി ഡൽഹി ക്യാപിറ്റൽസും ഇന്ന് നേർക്കുനേർ

ഐപിഎല്ലിൽ ഇന്ന് നടക്കുന്ന രണ്ടാം മൽസരത്തിൽ ഡൽഹി ക്യാപിറ്റൽസും (ഡിസി) സൺറൈസേഴ്സ് ഹൈദരാബാദും (എസ്ആർഎച്ച്) ഏറ്റുമുട്ടും. കഴിഞ്ഞ തവണ രണ്ട് ടീമുകളും ഏറ്റുമുട്ടിയപ്പോൾ വിജയം ഡൽഹിക്കൊപ്പമായിരുന്നു. ഏഴ് റൺസിനായിരുന്നു അവരുടെ ജയം. ഇതിന് പ്രതികാരം വീട്ടി മൂനാം ജയം നേടാൻ എസ്ആർഎച്ച് ശ്രമിക്കുമ്പോൾ തങ്ങളുടെ തുടർച്ചയായ മൂന്നാം ജയം നേടാൻ ആകും ഡൽഹി ശ്രമിക്കുക

ഏപ്രിൽ 24-ന് ഹൈദരാബാദിൽ നടന്ന ആദ്യ പോരാട്ടത്തിൽ എസ്‌ആർ‌എച്ചിനെതിരെ ഡൽഹി വിജയിച്ചു. കഴിഞ്ഞ അഞ്ച് മത്സരങ്ങളിലെ അവരുടെ തലയെടുപ്പുള്ള റെക്കോർഡുകളെക്കുറിച്ച് പറയുമ്പോൾ, ക്യാപിറ്റൽസ് അഞ്ച് അവസരങ്ങളിൽ ഓരോന്നിലും തങ്ങളുടെ അധികാരം മുദ്രകുത്തി.

മറുവശത്ത്, തുടർച്ചയായ മൂന്ന് തോൽവികൾക്ക് ശേഷമാണ് എയ്ഡൻ മാർക്രമിന്റെ സൺറൈസേഴ്‌സ് നാളെ ഇറങ്ങുന്നത്. നിലവിൽ ഏഴ് കളികളിൽ നിന്ന് രണ്ട് ജയവുമായി അവർ ഒൻപതാം സ്ഥാനത്താണ്. നാല് പോയിന്റും നെറ്റ് റൺ റേറ്റും -0.725 ആണ് വർക്കുള്ളത്. ഡൽഹിക്ക് – 0.961 ആണ് ഉള്ളത്