ലോക ടെസ്റ്റ് ചാമ്പ്യന്ഷിപ്പില് ഫൈനലിലെത്താന് ഇന്ത്യക്ക് വഴി തെളിയുന്നു
ലോക ടെസ്റ്റ് ചാമ്പ്യന്ഷിപ്പില് തുടര്ച്ചയായ രണ്ടാം തവണയും ഫൈനലിലെത്താന് ഇന്ത്യക്ക് വഴി തെളിയുന്നു. ഇംഗ്ലണ്ടിനെതിരായ ടെസ്റ്റ് പരമ്പരയിലെ ആദ്യ മത്സരത്തില് പാകിസ്ഥാന് തോല്വി വഴങ്ങിയതാണ് ഇന്ത്യയുടെ സാധ്യത വര്ധിപ്പിച്ചത്. ലോക ടെസ്റ്റ് ചാമ്പ്യന്ഷിപ്പ് പോയിന്റ് ടേബിളില് നിലവില് ഇന്ത്യ നാലാമതും പാകിസ്ഥാന് അഞ്ചാമതുമാണ്.
ഓസ്ട്രേലിയയാണ് ഒന്നാം സ്ഥാനത്ത്. ഇംഗ്ലണ്ടിനെതിരെ ഇപ്പോള് നടക്കുന്ന മൂന്ന് മത്സര പരമ്പരക്ക് പുറമെ വരും മാസങ്ങളില് ന്യൂസിലന്ഡിനെതിരെ രണ്ട് ടെസ്റ്റുകളടങ്ങിയ പരമ്പരയാണ് പാകിസ്ഥാന് ബാക്കിയുള്ളത്. ഇന്ത്യക്കാകട്ടെ ബംഗ്ലാദേശിനെതിരെ രണ്ട് ടെസ്റ്റും അടുത്തവര്ഷം ഫെബ്രുവരിയില് ഓസ്ട്രേലിയക്കെതിരെ നാലു ടെസ്റ്റുമാണ് കളിക്കാനായി ഷെഡ്യൂൾ ചെയ്തിരിക്കുന്നത്.
ഒന്നാം സ്ഥാനത്തുള്ള ഓസ്ട്രേലിയക്ക് ആകട്ടെ നിലവില് നടക്കുന്ന പരമ്പരില് വെസ്റ്റ് ഇന്ഡീസിനെതിരെ ഒരു ടെസ്റ്റും ദക്ഷിണാഫ്രിക്കക്കെതിരെ മൂന്ന് ടെസ്റ്റും കളിക്കാനുണ്ട്. വെസ്റ്റ് ഇന്ഡീസിനെതിരായ പരമ്പര തൂത്തുവാരുകയും ദക്ഷിണാഫ്രിക്കക്കെതിരെ രണ്ട് ടെസ്റ്റുകളെങ്കിലും ജയിച്ച് പരമ്പര നേടുകയും ചെയതാല് ഓസ്ട്രേലിയക്ക് ഫൈനലിലെത്താം. ഇന്ത്യക്കാകട്ടെ ബംഗ്ലാദേശിനെതിരെ പരമ്പര തൂത്തുവാരുകയും ഓസ്ട്രേലിയക്കെതിരായ പരമ്പര 3-1ന് സ്വന്തമാക്കുകയും ചെയ്താല് ഫൈനലിന് യോഗ്യത നേടാനാവും. ബംഗ്ലാദേശിനെതിരായ പരമ്പര തൂത്തുവാരിയില്ലെങ്കില് ഇന്ത്യക്ക് ഓസ്ട്രേലിയക്കെതിരെ 4-0 വിജയം നേടേണ്ടിവരും.