ശ്രീലങ്കയ്ക്കെതിരെ 174 റൺസ് വിജയലക്ഷ്യമുയർത്തി ഇന്ത്യ
ഏഷ്യാ കപ്പ് സൂപ്പര് ഫോറിലെ നിര്ണായക പോരാട്ടത്തില് ശ്രീലങ്കയ്ക്കെതിരേ 111 റണ്സ് വിജയലക്ഷ്യമുയര്ത്തി ഇന്ത്യ. ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഇന്ത്യ തുടക്കത്തിലെ തകര്ച്ചയെ അതിജീവിച്ച് 20 ഓവറില് എട്ടു വിക്കറ്റ് നഷ്ടത്തില് 173 റണ്സെടുത്തു.
41 പന്തില് 72 റണ്സെടുത്ത രോഹിത് ശര്മയാണ് ഇന്ത്യയുടെ ടോപ് സ്കോറര്. ദില്ഷന് മധുഷനക ശ്രീലങ്കയ്ക്കായി മൂന്ന് വിക്കറ്റ് വീഴ്ത്തി. ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഇന്ത്യയുടേത് മോശം തുടക്കമായിരുന്നു. രണ്ടാം ഓവറില് തന്നെ ഓപ്പണര് കെ.എല് രാഹുലിനെ (6) ഇന്ത്യയ്ക്ക് നഷ്ടമായി. താരത്തെ മഹീഷ് തീക്ഷണ വിക്കറ്റിന് മുന്നില് കുടുക്കുകയായിരുന്നു. അടുത്ത ഓവറില് കോലിയും മടങ്ങി. നാല് പന്ത് മാത്രമായിരുന്നു താരത്തിന്റെ ആയുസ്.
പിന്നീട് ക്രീസിലെത്തിയ സൂര്യകുമാര് യാദവ് രോഹിത്തുമൊത്ത് മികച്ച കൂട്ടുകെട്ടുണ്ടാക്കിയതാണ് ഇന്ത്യയെ ഭേദപ്പെട്ട സ്കോറിലെത്തിച്ചത്. ഇരുവരും 97 റണ്സ് കൂട്ടിചേര്ത്തു. എന്നാല് രോഹിത്തിനെ പുറത്താക്കി ചാമിക കരുണാര്തനെ ലങ്കയ്ക്ക് ബ്രേക്ക് ത്രൂ സമ്മാനിച്ചു. പിന്നാലെ ദസുന് ഷാനകയുടെ പന്തില് ഷോട്ടിനായുള്ള ശ്രമത്തില് സൂര്യകുമാര് യാദവും പുറത്തായി.
29 പന്തില് നിന്ന് ഒന്ന് വീതം സിക്സും ഫോറുമടക്കം 34 റണ്സെടുത്താണ് സൂര്യകുമാർ പുറത്തായത്. ഹാര്ദിക് പാണ്ഡ്യ (17), റിഷഭ് പന്ത് (17) എന്നിവര്ക്ക് നല്ല തുടക്കം ലഭിച്ചെങ്കിലും മുതലാക്കാനായില്ല. ദീപക് ഹൂഡയും നിരാശപ്പെടുത്തിയതോടെ ഇന്ത്യ 173 റൺസിൽ ഒതുങ്ങുകയായിരുന്നു