മാർക്ക് കുക്കുറെല്ലയെ ചെല്‍സിക്ക് വില്‍ക്കാന്‍ ഒരുങ്ങുന്നു എന്ന വാര്‍ത്ത നിഷേധിച്ച് ബ്രെയ്റ്റൻ
ചെൽസിയിൽ നിന്ന് റിപ്പോർട്ട് ചെയ്യപ്പെട്ട താൽപ്പര്യത്തിനിടയിൽ, ലെഫ്റ്റ് ബാക്ക് മാർക്ക് കുക്കുറെല്ലയെ വിൽക്കാൻ സമ്മതിച്ചുവെന്ന വാര്‍ത്ത നിഷേധിച്ചുകൊണ്ട് ബ്രൈറ്റൺ & ഹോവ് അൽബിയോൺ ഒരു പ്രസ്താവന പുറത്തിറക്കി.24-കാരൻ മാഞ്ചസ്റ്റർ സിറ്റിയിലേക്കുള്ള നീക്കവുമായി ശക്തമായി ബന്ധപ്പെട്ടിരുന്നു, സ്പെയിൻകാരന് 40 മില്യൺ പൗണ്ട് വരെ നൽകാൻ സിറ്റി തയ്യാര്‍ ആയിരുന്നു.
50 മില്യണിലധികം വിലയ്ക്ക് ലെഫ്റ്റ് ബാക്ക് വിൽക്കാൻ ബ്രൈറ്റൺ ചെൽസിയുമായി കരാറിലെത്തിയതായി ബുധനാഴ്ച മാധ്യമങ്ങളിൽ വന്ന നിരവധി റിപ്പോർട്ടുകൾ അവകാശപ്പെടുന്നു.എന്നിരുന്നാലും, മാധ്യമങ്ങളിലെ റിപ്പോർട്ടുകൾ “കൃത്യമല്ല” എന്ന് ബ്രൈറ്റൺ അവരുടെ ഔദ്യോഗിക വെബ്‌സൈറ്റിലും സോഷ്യൽ മീഡിയ പ്ലാറ്റ്‌ഫോമുകളിലും സ്ഥിരീകരിച്ചു.കഴിഞ്ഞ ശനിയാഴ്ച എസ്പാൻയോളിനെതിരെ പ്രീ സീസണ്‍ മത്സരത്തില്‍ ബ്രൈറ്റന്‍ നിരയില്‍ കളിക്കാന്‍ കുക്കുറെല്ല ഉണ്ടായിരുന്നില്ല.എന്നാല്‍ അദ്ദേഹത്തിന്റെ അസാന്നിധ്യം പരിക്ക് മൂലമാണെന്ന് മാനേജർ ഗ്രഹാം പോട്ടർ പറഞ്ഞു.
