ലീഡ്സ് 67 മില്യൺ യൂറോ പാക്കേജ് സ്വീകരിച്ചേക്കും ; അഞ്ച് വര്‍ഷത്തേക്ക് കരാര്‍ !!!!!
ലീഡ്സ് 67 മില്യൺ യൂറോയുടെ ബിഡ് സ്വീകരിച്ചതിനെ തുടർന്ന് റാഫിൻഹയുടെ കൈമാറ്റം സംബന്ധിച്ച് ബാഴ്‌സലോണ ‘പൂർണ്ണ ധാരണയിൽ’ എത്തിയതായി റിപ്പോർട്ട്.ചെൽസിക്കും ആഴ്സണലിനും ബ്രസീലിയൻ തരത്തിനുമേല്‍ താൽപ്പര്യമുള്ളതിനാൽ ക്ലബ്ബിലെ സാമ്പത്തിക സമ്മർദ്ദം കാരണം ലീഡ്സിന്റെ ആവശ്യപ്പെടുന്ന വില താങ്ങാൻ ബാഴ്‌സലോണ പാടുപെടുമെന്ന് റിപ്പോർട്ട് ചെയ്യപ്പെട്ടിരുന്നു.
ഇപ്പോൾ നിരവധി കിംവദന്തികൾക്കും യു-ടേണുകൾക്കും ഊഹാപോഹങ്ങൾക്കും ശേഷം, ട്രാൻസ്ഫർ വിദഗ്ധനായ ഫാബ്രിസിയോ റൊമാനോ ചൊവ്വാഴ്ച വാര്‍ത്ത സ്ഥിരീകരിച്ചു.58 മില്യൺ യൂറോയും ആഡ്-ഓണുകളിൽ 9 മില്യൺ യൂറോയും അടങ്ങുന്ന ഒരു ഓഫര്‍ ലീഡ്സ് സ്വീകരിച്ചതായി റൊമാനോ വെളിപ്പെടുത്തി.ഫെബ്രുവരി മുതൽ ബാഴ്‌സലോണയിൽ മാത്രമേ റാഫിഞ്ഞക്ക് കണ്ണുണ്ടായിരുന്നുള്ളുവെന്നും കറ്റാലൻ ഭീമന്മാരുമായി അഞ്ച് വർഷത്തെ കരാറിൽ ഒപ്പുവെക്കാൻ ഒരുങ്ങുകയാണെന്നും റൊമാനോ കൂട്ടിച്ചേർത്തു.റാഫിൻഹയുടെ പകരക്കാരനെ ലീഡ്സ് ഇതിനകം തന്നെ കണ്ടെത്തി കഴിഞ്ഞു.കൊളംബിയ വിംഗർ ലൂയിസ് സിനിസ്‌റ്റെറ ഫെയ്‌നൂർഡിൽ നിന്ന് 21.4 മില്യൺ പൗണ്ടിന്റെ കരാറിൽ ലീഡ്സ് ടീമില്‍ എത്തിച്ചു കഴിഞ്ഞു.
