സോഷ്യല്‍ മീഡിയയില്‍ പരക്കുന്ന ” 100 മിനുറ്റ് വാര്‍ത്ത ” വ്യാജം എന്ന് ഫിഫ
2022ൽ ഖത്തറിൽ നടക്കുന്ന ലോകകപ്പിൽ മത്സരങ്ങളുടെ ദൈർഘ്യം മാറ്റാൻ പദ്ധതിയില്ലെന്ന് ഫിഫ സ്ഥിരീകരിച്ചു.മത്സരങ്ങൾ 90 മിനിറ്റിൽ നിന്ന് 100 ആയി നീട്ടാമെന്ന് നിർദ്ദേശിച്ച ഇറ്റലിയിലെ ഒരു റിപ്പോർട്ട് ബുധനാഴ്ച സോഷ്യൽ മീഡിയയിൽ വന്‍ കൊടുങ്കാറ്റ് ആണ് സൃഷ്ട്ടിച്ചത്.
“ചില റിപ്പോർട്ടുകളും അഭ്യൂഹങ്ങളും പറയുന്ന പോലെ , ഫിഫ ലോകകപ്പ് ഖത്തർ 2022 അല്ലെങ്കിൽ മറ്റേതെങ്കിലും മത്സരത്തിനുള്ള ഫുട്ബോൾ മത്സരങ്ങളുടെ ദൈർഘ്യം സംബന്ധിച്ച നിയമങ്ങളിൽ മാറ്റങ്ങളൊന്നും ഉണ്ടാകില്ലെന്ന് ഫിഫ വ്യക്തമാക്കാൻ ആഗ്രഹിക്കുന്നു.” ഫിഫ ഒരു പ്രസ്താവനയിൽ പറയുന്നു.CIES-ൽ നിന്നുള്ള സമീപകാല റിപ്പോർട്ടിൽ നിന്നാണ് കിംവദന്തികൾ ഉടലെടുത്തത്, മിക്ക പ്രധാന യൂറോപ്യൻ ലീഗുകളും ശരാശരി 60 മിനിറ്റ് മാത്രമേ കളി നടക്കുന്നുള്ളൂ.ബാക്കി സമയം ത്രോ-ഇന്നുകൾ എന്നിങ്ങനെ പല മാര്‍ഗം വഴിയും അര മണിക്കൂറോളം കളി തടസ്സപ്പെടുന്നുണ്ട്.അതിന് ബദല്‍ ആയാണ് കളി സമയം 90 മിനുട്ടില്‍ നിന്ന് 100 മിനുട്ടിലെക്ക് നീട്ടാന്‍ ഉദ്ദേശിക്കുന്നത് എന്നുമായിരുന്നു റിപ്പോര്‍ട്ടിലെ ഉള്ളടക്കം.
