സെവിയയേ മറികടക്കാന്‍ ബാഴ്സ
ഞായറാഴ്ച രാത്രി ക്യാമ്പ് നൗവിൽ ലാ ലിഗ പട്ടികയിൽ രണ്ടാം സ്ഥാനത്തുള്ള സെവിയ്യയുമായി ഏറ്റുമുട്ടുമ്പോൾ പോയിന്റ് നിലയിലേക്ക് മുന്നേറാനാണ് ബാഴ്‌സലോണ ലക്ഷ്യമിടുന്നത്. ആതിഥേയർ നിലവിൽ സ്പെയിനിന്റെ ടോപ് ഫ്ലൈറ്റിൽ മൂന്നാം സ്ഥാനത്താണ്, രണ്ടാം സ്ഥാനത്തുള്ള സെവിയ്യയേക്കാൾ മൂന്ന് പോയിന്റ് പിന്നില്‍.എന്നാല്‍ ബാഴ്സ സേവിയയ്യേക്കാള്‍ ഒരു മത്സരം കുറവേ കളിച്ചിട്ടുള്ളൂ.
ഇന്ത്യന്‍ സമയം പന്ത്രണ്ടര മണിക്ക് ആണ് മത്സരം നടക്കാന്‍ പോകുന്നത്.ലീഗിലെ അവസാന അഞ്ച് ടീമുകളിൽ ഒന്ന് മാത്രം വിജയിച്ച സെവിയ ഒരു സമയത്ത് ലാലിഗ കിരീട സാധ്യത വരെ നിലനിര്‍ത്തിയിരുന്നു.എൽ ക്ലാസിക്കോയിൽ റയൽ മാഡ്രിഡിനെതിരെ 4-0 ന് വിജയിച്ച ബാഴ്‌സലോണ സ്റ്റൈലോടെ ആണ് അന്താരാഷ്ട്ര ബ്രേക്കിലേക്ക് പ്രവേശിച്ചത്.പല പ്രശ്നങ്ങളും തരണം ചെയ്ത് ടോപ് ഫോറില്‍ ബാഴ്സയെ എത്തിച്ച സാവിയുടെ അടുത്ത നീക്കങ്ങള്‍ എന്താണ് എന്ന് ഫുട്ബോള്‍ ലോകം ഉറ്റുനോക്കുകയാണ്.ഡിസംബറിന് ശേഷം ഒരു തോല്‍വി പോലും ബാഴ്സ അറിഞ്ഞിട്ടുമില്ല.
