ബാഴ്‌സലോണ-അറ്റ്‌ലറ്റിക്കോ മാഡ്രിഡ് മല്‍സരം അമേരിക്കയില്‍ നടക്കാന്‍ സാധ്യത !!!
ഡിസംബറിൽ മൂന്നാം വാരാന്ത്യത്തിൽ മിയാമിയിൽ അത്ലറ്റിക്കോ മാഡ്രിഡിനെതിരെ ബാഴ്‌സലോണയുടെ ഹോം ഫിക്‌ചർ നടത്തുന്നതിനായി ലാലിഗ പ്രവർത്തിക്കുന്നത് തുടരുന്നു.എന്നാൽ പദ്ധതി മുന്നോട്ട് പോകുന്നതിന് നിരവധി ഭാഗങ്ങൾ ഇനിയും വ്യക്തം ആവേണ്ടത് ഉണ്ട്.സ്പാനിഷ് ലീഗ് നിരവധി വർഷങ്ങളായി യുണൈറ്റഡ് സ്റ്റേറ്റ്സിലേക്ക് ഒരു ഗെയിം കൊണ്ടുപോകാൻ ശ്രമിക്കുന്നുണ്ട്.എന്നാല്‍ സ്പാനിഷ് ഫുട്ബോൾ ഫെഡറേഷൻ,ഫിഫ, യുവേഫ,U.S സോക്കർ എന്നിവരില്‍ നിന്ന് എതിര്‍പ്പ് ഉണ്ടായതിനാല്‍ ഇത്ത് യാഥാര്‍ഥ്യം ആക്കാന്‍ ലാലിഗ നന്നേ പാടുപ്പെട്ടു.
എന്നാല്‍ ഇപ്പോള്‍ ഇവരില്‍ പലരും ഈ മല്‍സരത്തിന് സമ്മതം മൂളിയിട്ടുണ്ട്.അതിനാല്‍ ഈ സീസണില്‍ അമേരിക്കന്‍ മണ്ണില്‍ ബാഴ്സയും അത്ലറ്റിക്കോ മാഡ്രിഡും തമ്മില്‍ ഏറ്റുമുട്ടാന്‍ ഉള്ള സാധ്യത വളരെ കൂടുതല്‍ ആണ്.ലാലിഗയുമായി സഹകരിച്ച് പ്രോജക്റ്റിൽ പ്രവർത്തിക്കുന്ന റിലവൻ്റ് സ്‌പോർട്‌സ് ഗ്രൂപ്പ് സമീപകാല സംഭവവികാസങ്ങളെക്കുറിച്ച് പ്രതികരിക്കുന്നില്ല.ഇത് ഒരു വിജയം ആയാല്‍ അടുത്ത സീസണുകളില്‍ സ്ഥിരമായി അമേരിക്കന്‍ മണ്ണില്‍ മല്‍സരങ്ങള്‍ കളിക്കുന്നത് തുടരും എന്ന് ലാലിഗ പ്രസിഡന്‍റ് ജാവിയര്‍ തെബാസ് പറഞ്ഞിട്ടുണ്ട്.
