ഹക്കിം സിയെക്കും കാലിഡൗ കൗലിബാലിയും ചെൽസി വിട്ട് സൗദി അറേബ്യയിലേക്ക്
ഹക്കിം സിയെക്കും കാലിഡൗ കൂലിബാലിയും സൗദി അറേബ്യയിലേക്കുള്ള നീക്കങ്ങൾ പൂര്തിയാക്കുന്നതിന്റെ വക്കില്.ഈ വേനൽക്കാലത്ത് പണം സ്വരൂപിക്കാൻ നോക്കുന്ന ചെൽസി തങ്ങളുടെ കാമ്പിലെ പല താരങ്ങളെയും വില്ക്കാന് തയ്യാറായി നില്ക്കുകയാണ്. ബ്ലൂസിന്റെ ഉടമയായ ടോഡ് ബോഹ്ലി അടുത്തിടെ സൗദി അറേബ്യയിൽ നിരവധി ഫുട്ബോൾ ഉദ്യോഗസ്ഥരുമായി കൂടിക്കാഴ്ച നടത്തിയിരുന്നു.ഏതൊക്കെ താരങ്ങളെ ഒഴിവാക്കാന് ആണ് ചെല്സി പദ്ധതി ഇട്ടിരിക്കുന്നത് എന്നതിനെ കുറിച്ചായിരുന്നു ചര്ച്ച.
ക്രിസ്റ്റ്യാനോ റൊണാൾഡോ ചേര്ന്ന ക്ലബ് ആയ അല് നാസറിലേക്ക് ആണ് സിയെക്ക് പോകാന് ഒരുങ്ങുന്നത്.താരം അവരുമായി മൂന്നു വര്ഷത്തെ കരാറില് ഒപ്പിടാന് തയ്യാര് ആണ്. റിപ്പോര്ട്ടുകള് അനുസരിച്ച് താരം ഉടൻ തന്നെ വൈദ്യപരിശോധനയ്ക്ക് വിധേയനാകും. കൂലിബാലിയെ സംബന്ധിച്ചിടത്തോളം, അൽ-ഹിലാലിലേക്ക് മാറുന്നത് സംബന്ധിച്ച് ചർച്ചകൾ പുരോഗമിക്കുകയാണ്. മുൻ നാപ്പോളി സെന്റർ ബാക്ക്, സൗദി അറേബ്യയിലേക്കുള്ള സ്ഥിരമായ ട്രാൻസ്ഫര് ഗൗരവമായി കാണുന്നുണ്ട്.സീരി എ യിലേക്ക് ക്ഷണിച്ച് കൊണ്ടുള്ള ഡീല് താരത്തിന്റെ എജന്റ്റ് നിരസിച്ചിരുന്നു.2026 വരെയുള്ള മൂന്ന് വർഷത്തെ കരാര് തന്നെ ആണ് അല് ഹിലാലും താരത്തിനു നല്കിയിരിക്കുന്നത്.
