റെക്കോര്‍ഡ് പട്ടികയില്‍ ഇടംപിടിച്ച് കിവീസിന്റെ ഗ്ലെന്‍ ഫിലിപ്‌സ്
ടി20 ക്രിക്കറ്റില്‍ നാലാം നമ്പറിലോ അതിന് ശേഷമോ ക്രീസിലെത്തി സെഞ്ചുറി പൂര്‍ത്തിയാക്കുന്ന ആദ്യ താരമെന്ന റെക്കോർഡ് സ്വന്തമാക്കി ന്യൂസിലൻഡിന്റെ ഗ്ലെന്‍ ഫിലിപ്‌സ്. ശ്രീലങ്കക്കെതിരായ ഇന്നത്തെ സെഞ്ചുറി നേട്ടമാണ് താരത്തെ പുതിയ നേട്ടങ്ങൾക്ക് ഉടമയാക്കിയിരിക്കുന്നത്.
അതോടൊപ്പം ടി20 ലോകകപ്പില്‍ സെഞ്ചുറി നേടുന്ന രണ്ടാമത്തെ മാത്രം ന്യൂസിലന്‍ഡ് താരം കൂടിയാണ് ഫിലിപ്‌സ്. 2012-ല്‍ ബംഗ്ലാദേശിനെതിരെ മുന്‍ കിവീസ് ക്യാപ്റ്റന്‍ ബ്രണ്ടന്‍ മക്കല്ലം സെഞ്ചുറി നേടിയിരുന്നു. ടി20 ലോകകപ്പില്‍ ഒരു ന്യൂസിലന്‍ഡ് താരത്തിന്റെ ഉയര്‍ന്ന സ്‌കോറും മക്കല്ലത്തിന്റെ പേരിലാണ്.
എന്നാല്‍ രണ്ടാം സ്ഥാനത്തെത്താന്‍ ഫിലിപ്‌സിന് സാധിച്ചു. കഴിഞ്ഞ വര്‍ഷം സ്‌കോട്‌ലന്‍ഡിനെതിരെ ദുബൈയില്‍ 93 റണ്‍സ് നേടിയ മാര്‍ട്ടിന്‍ ഗപ്റ്റിലാണ് മൂന്നാമത്. ഈ ലോകകപ്പില്‍ ഓസ്‌ട്രേലിയക്കെതിരെ സിഡ്‌നിയില്‍ പുറത്താവാതെ 92 റണ്‍സ് നേടിയ ഡെവോണ്‍ കോണ്‍വെ നാലാമതായി. സിഡ്‌നി ക്രിക്കറ്റ് ഗ്രൗണ്ടില്‍ 65 റണ്‍സിന്റെ ജയാണ് ന്യൂസിലന്‍ഡ് നേടിയത്. ടോസ് നേടി ബാറ്റിംഗിനെത്തിയ ന്യൂസിലന്‍ഡ് ഗ്ലെന്‍ ഫിലിപ്‌സിന്റെ (104) സെഞ്ചുറി കരുത്തില്‍ 167 റണ്‍സ് നേടിയെടുത്തത്.
