ചാമ്പ്യന്‍സ് ലീഗ് ; വീണ്ടും തിരിച്ചടി നേരിട്ട് റയല്‍ മാഡ്രിഡ്
എല്‍ ക്ലാസിക്കോയില്‍ നിന്നും ബലോണ്‍ ഡോര്‍ അവാര്‍ഡ് ദാന ചടങ്ങില്‍ നിന്നും തിരിച്ചടി നേരിട്ട റയല്‍ മാഡ്രിഡില്‍ നിന്നും ഒരു തിരിച്ചുവരവ് എല്ലാവരും പ്രതീക്ഷിച്ചിരിക്കെ വീണും ഒരു തോല്‍വി നേടി ലോസ് ബ്ലാങ്കോസ് ഏവരെയും ഞെട്ടിച്ചിരിക്കുന്നു.ഇന്നലെ നടന്ന മല്‍സരത്തില്‍ റയല്‍ മാഡ്രിഡിനെ എസി മിലാന് ഒന്നിനെതിരെ മൂന്നു ഗോളുകള്‍ക്ക് തോല്‍പ്പിച്ചിരിക്കുന്നു.36 ടീമുകളുള്ള ചാമ്പ്യൻസ് ലീഗ് പട്ടികയിൽ ആറ് പോയിൻ്റുമായി റയൽ 17-ാം സ്ഥാനത്താണ്.
/cdn.vox-cdn.com/uploads/chorus_image/image/73703557/2182499046.0.jpg)
12-ാം മിനിറ്റിൽ ഒരു കോർണറിൽ നിന്ന് ഒരു ഹെഡ്ഡറിലൂടെ തിയാവ് ഏഴ് തവണ യൂറോപ്യൻ ചാമ്പ്യൻമാരായ മിലാന് ലീഡ് നൽകിയെങ്കിലും 11 മിനിറ്റിനുള്ളിൽ പെനാൽറ്റിയിലൂടെ വിനീഷ്യസ് ജൂനിയർ സമനില പിടിച്ചു.39 ആം മിനുട്ടില്‍ ഒരു റീ ബൌണ്ട് ഗോളിലൂടെ മൊറാറ്റ തന്റെ പഴയ ടീമിനെതിരെ സ്കോര്‍ബോര്‍ഡില്‍ ഇടം നേടി.ഇതിന് പകരം ആയി റയല്‍ മികച്ച മുന്നേറ്റം നടത്താന്‍ കഴിയാതെ വിഷമിച്ച് ഇരുന്നു.73 ആം മിനുട്ടില്‍ റാഫേല്‍ ലിയോയുടെ കട്ട് ബാക്ക് പാസില്‍ നിന്നു മറ്റൊരു ഗോള്‍ കണ്ടെത്തി മിലാന് പിടി മുറുക്കി.ഇത്തവണ ഗോള്‍ നേടിയത് തിജ്ജനി റീജൻഡേഴ്സ് ആണ്.
