പ്രീമിയര്‍ ലീഗ് ; ലിവര്‍പൂളും ബ്രൈട്ടനും ഏറ്റുമുട്ടാന്‍ ഒരുങ്ങുന്നു
ഈഎഫ്എല്‍ കപ്പില്‍ ലിവര്‍പൂളും ബ്രൈട്ടനും തമ്മില്‍ ഇഞ്ചോടിഞ്ച് പോരാട്ടം ആണ് നടന്നത്.അവസാനം 3 – 2 നു റെഡ്സ് വിജയം കണ്ടെത്തി.വളരെ അടുത്ത് എത്തി പരാജയം നേരിട്ടത് ബ്രൈട്ടന് താരങ്ങളെ ഏറെ വിഷമിപ്പിച്ചിട്ടുണ്ട്.എന്നാല്‍ അതിനുള്ള പ്രതികാരം ചെയ്യാന്‍ ഇന്ന് അവര്‍ക്ക് അവസരം ലഭിച്ചിട്ടുണ്ട്.ഇന്ന് പ്രീമിയര്‍ ലീഗില്‍ അവര്‍ ലിവര്‍പൂളിനെ നേരിടാന്‍ ഒരുങ്ങുകയാണ്.
ഇന്ന് ഇന്ത്യന്‍ സമയം എട്ടര മണിക്ക് ആണ് മല്‍സരം, അതും ലിവര്‍പൂളില്‍ വെച്ച്!!!! കാണികള്‍ക് മുന്നില്‍ ലിവര്‍പൂളിനെ പരാജയപ്പെടുത്താന്‍ ഒരു അസുലഭ അവസരം ബ്രൈട്ടന് ലഭിച്ചിരിക്കുകയാണ്.നിലവില്‍ സിറ്റി തന്നെ ആണ് പ്രീമിയര്‍ ലീഗിലെ ടേബിള്‍ ടോപ്പര്‍.വെറും ഒരു പോയിന്റിന് മാത്രം ആണ് ലിവര്‍പൂള്‍ പുറകില്‍ ഉള്ളത്.അത് എത്രയും പെട്ടെന്നു കയറി പിടിക്കുക എന്നതാണു ലിവര്‍പൂളിന്റെ ലക്ഷ്യം.അതിനാല്‍ ഇനിയുള്ള ഓരോ പോയിന്റിനും വലിയ വില തന്നെ നല്‍കേണ്ടി വരും.കഴിഞ്ഞ മല്‍സരത്തില്‍ പുറത്തു ഇരുന്ന മുഹമ്മദ് സലാ, വിർജിൽ വാൻ ഡിജ്ക്, ഡാർവിൻ ന്യൂനസ്, അലക്സിസ് മാക് അലിസ്റ്റർ എന്നിവർ ആദ്യ നിരയിൽ തിരിച്ച് എത്തും.ലഭിക്കുന്ന റിപ്പോര്‍ട്ടുകള്‍ പ്രകാരം ലെഫ്റ്റ് ബാക്ക് പൊസിഷനില്‍ കോസ്റ്റാസ് സിമിക്കാസ് കളിച്ചേക്കും.
