ചാമ്പ്യന്‍സ് ലീഗ് ; അത്‌ലറ്റിക്കോയെ പരാജയപ്പെടുത്തി ഉഗ്രന്‍ തിരിച്ചുവരവ് യാഥാര്‍ഥ്യം ആക്കി ലിലെ
ഫ്രഞ്ച് ടീം ആയ ലിലെ ആതിഥേയരായ അത്ലറ്റിക്കോ മാഡ്രിഡിനെ 3-1ന് ചാമ്പ്യൻസ് ലീഗ് തോൽപ്പിച്ചു.കഴിഞ്ഞ മല്‍സരത്തില്‍ മറ്റൊരു മാഡ്രിഡ് ടീം ആയ റയലിനെ എതിരില്ലാത്ത ഒരു ഗോളിന് തോല്‍പ്പിച്ച ലിലേക്ക് ഇന്നലെ തുടക്കത്തില്‍ അല്പം പിഴച്ചു എങ്കിലും രണ്ടാം പകുതിയില്‍ മല്‍സരം തീരാന്‍ മുപ്പതു മിനുറ്റ് ശേഷിക്കേ മൂന്നു ഗോളുകള്‍ കണ്ടെത്തി അത്ലറ്റിക്കോ മാഡ്രിഡിനെ അവരുടെ കാണികള്‍ക്ക് മുന്നില്‍ നാണം കെടുത്തി വിട്ടു.
എട്ടാം മിനുട്ടില്‍ ജൂലിയന്‍ അല്‍വാറസ് നേടിയ ഗോളിലൂടെ അത്ലറ്റിക്കോ ഓണ്‍ മാര്‍ക്കില്‍ എത്തി.ആദ്യ പകുതി തീരുന്നതിന് മുന്നേ തന്നെ മൂന്നു ഗോള്‍ കൂടി നേടി മല്‍സരം തീര്‍ക്കാന്‍ ഉള്ള അവസരം അത്ലറ്റിക്കോയ്ക്ക് ലഭിച്ചിരുന്നു.എന്നാല്‍ അവര്‍ക്ക് അത് മുതല്‍ എടുക്കാന്‍ ആയില്ല.രണ്ടാം പകുതിയില്‍ ഇതിന്റെ വില അവര്‍ക്ക് നല്‍കേണ്ടി വന്നിരുന്നു.61-ാം മത്സരത്തിൽ സെഗ്രോവയുടെ മികച്ച ഗോളിലൂടെ സമനില നേടിയ ലിലെ പിന്നീട് ജോനാഥന്‍ ഡേവിഡിലൂടെ ഇരട്ട ഗോള്‍ നേടി മല്‍സരം തിരിച്ചു പിടിച്ചു.മല്‍സരത്തില്‍ ഉടനീളം പല മിന്നും സേവുകളും പുറത്ത് എടുത്ത ലൂക്കാസ് ഷെവലിയർ ആണ് കളിയിലെ താരം.
