സെര്‍ജിയോ ബുസ്ക്കറ്റ്സിന് പകരക്കാരന്‍ – എഡേഴ്സൺ !!!!!
അറ്റലാൻ്റ ബിസി മിഡ്ഫീൽഡർ എഡേഴ്സണെ സൈൻ ചെയ്യാൻ ബാഴ്‌സലോണ താൽപ്പര്യപ്പെടുന്നുവെന്നും അടുത്ത വേനൽക്കാല ട്രാൻസ്ഫർ വിൻഡോയിൽ ബ്രസീൽ താരത്തിനു വേണ്ടി കറ്റാലന്‍ ക്ലബ് നീക്കങ്ങള്‍ നടത്തും എന്നും റിപ്പോര്‍ട്ട്.ഡിഫന്‍സീവ് മിഡ് റോളില്‍ കളിക്കുന്ന ബ്രസീലിയന്‍ താരം സെര്‍ജിയോ ബുസ്ക്കറ്റ്സിന്‍റെ പാരമ്പര്യം കാത്തു സൂക്ഷിയ്ക്കും എന്നു മാനേജ്മെന്‍റും വിശ്വസിക്കുന്നു.
മാഞ്ചസ്റ്റർ യുണൈറ്റഡ് എഡേഴ്സണിനെ സൈന്‍ ചെയ്യാന്‍ വളരെ അധികം ശ്രമം നടത്തിയിരുന്നു. എന്നാല്‍ അദ്ദേഹത്തിന് പകരം അവര്‍ പിഎസ്ജി താരം ആയ മാനുവൽ ഉഗാർട്ടെയെ പിന്നീട് സൈന്‍ ചെയ്തു.ഈ സീസണിൽ എഡേഴ്സൺ അറ്റ്ലാന്‍റയുടെ വളരെ അധികം പ്രധാനപ്പെട്ട ഒരു കളിക്കാരന്‍ ആയി മാറിയിരിക്കുന്നു.മിഡ്ഫീൽഡർ 2022 ൽ സലെർനിറ്റാനയിൽ നിന്നും അറ്റ്ലാന്‍റയിലേക്ക് എത്തി.അദ്ദേഹം 96 തവണ ക്ലബ്ബിനു വേണ്ടി കളിച്ചു.ഇതില്‍ നിന്നും അദ്ദേഹം എട്ട് ഗോളുകളും മൂന്ന് അസിസ്റ്റുകളും നേടിയിട്ടുണ്ട്.മാര്‍ക്കറ്റ് വാല്യൂ പ്രകാരം അദ്ദേഹത്തിന് 35 മില്യണ്‍ യൂറോ ആണ് വില.
