റയൽ സോസിഡാഡ് മിഡ്ഫീൽഡർ മൈക്കൽ മെറിനോ ആഴ്സണലിലേക്ക്
റയൽ സോസിഡാഡ് മിഡ്ഫീൽഡർ മൈക്കൽ മെറിനോയെ ഏകദേശം ആഴ്സണല്‍ സൈന്‍ ചെയ്യും എന്നത് ഉറപ്പായി കഴിഞ്ഞിരിക്കുന്നു.കഴിഞ്ഞ വേനൽക്കാലത്ത് ക്ലബ്-റെക്കോർഡ് ഡീലിൽ ഡെക്ലാൻ റൈസിനെ റിക്രൂട്ട് ചെയ്‌തിട്ടും ഗണ്ണേഴ്‌സ് ഈ സമ്മറില്‍ മിഡ്ഫീല്‍ഡറെ സൈന്‍ ചെയ്യുന്നത് നിര്‍ത്തിയിട്ടില്ല.മുഹമ്മദ് എൽനെനിയും ആൽബർട്ട് സാംബി ലോകോംഗയും പോവുകയാണ്.അതിനാല്‍ മിഡ്ഫീല്‍ഡില്‍ ഇനിയും പ്രതിഭകളെ ആവശ്യമാണ് എന്നാണ് അര്‍ട്ടേട്ട പറയുന്നത്.
മിഡ്ഫീല്‍ഡില്‍ സൈന്‍ ചെയ്യുന്നതിന് വേണ്ടി ഡഗ്ലസ് ലൂയിസ്, അമഡോ ഒനാന, മാർട്ടിൻ സുബിമെൻഡി , എന്നിങ്ങനെ പലരും ആഴ്സണല്‍ ക്ലബിന്‍റെ സാധ്യത ലിസ്റ്റില്‍ ഉണ്ടായിരുന്നു.റയൽ സോസിഡാഡ് റെഡ് ബുൾ സാൽസ്ബർഗിൽ നിന്ന് ക്രൊയേഷ്യൻ മിഡ്ഫീൽഡർ ലൂക്കാ സുസിക്കിനെ സൈനിംഗ് പൂർത്തിയാക്കി.അതിനാല്‍ അവര്‍ക്ക് ഇനി മൈക്കൽ മെറിനോയെ ടീമില്‍ നിലനിര്‍ത്തുന്നതിന് വലിയ കാര്യം ഇല്ല.അതിനാല്‍ ആണ് അദ്ദേഹത്തിനെ അവര്‍ ആഴ്സണലിലേക്ക് നല്കാന്‍ തയ്യാര്‍ ആകുന്നത്.
