പ്രീ സീസണ്‍ ; യുണൈറ്റഡിനെ പരാജയപ്പെടുത്തി ആഴ്സണല്‍ , അല്‍ നാസറിനെ നിര്‍ത്തി പൊരിച്ച് പോര്‍ട്ടോ
ഇന്നലെ നടന്ന സൌഹൃദ മല്‍സരത്തില്‍ യുണൈറ്റഡിനെ ഒന്നിനെതിരെ രണ്ടു ഗോളുകള്‍ക്ക് ആഴ്സണല്‍ പരാജയപ്പെടുത്തി.പത്താം മിനുട്ടില്‍ റാസ്മസ് ഹോജ്ലണ്ട് നേടിയ ഗോളില്‍ ലീഡ് നേടിയ യുണൈറ്റഡിനെ പതിനഞ്ച് മിനുട്ടിനുള്ളില്‍ തന്നെ ആഴ്സണല്‍ സമനിലയില്‍ തളച്ചു.26 ആം മിനുട്ടില്‍ ഗബ്രിയേല്‍ ജീസസ് ആണ് സമനില ഗോള്‍ നേടിയത്.81 ആം മിനുട്ടില്‍ ഗബ്രിയേല്‍ മാര്‍ട്ടിനെല്ലി നേടിയ ഗോളില്‍ ആഴ്സണല്‍ വിജയവും കണ്ടെത്തി.
ഇന്നലെ നടന്ന മറ്റൊരു സൌഹൃദ മല്‍സരത്തില്‍ അല്‍ നാസറിനെ എതിരില്ലാത്ത നാല് ഗോളിന് പോര്‍ട്ടോ പരാജയപ്പെടുത്തി.റൊണാള്‍ഡോ കളിക്കാത്ത മല്‍സരത്തില്‍ മറ്റ് പ്രമുഖ താരങ്ങള്‍ ആയ മാനെ , ബ്രോസോവിച്ച് എന്നിവര്‍ ആദ്യ ഇലവനില്‍ ഇടം നേടിയിരുന്നു.ആദ്യ പകുതിയില്‍ തന്നെ നാല് ഗോളുകള്‍ നേടാന്‍ പോര്‍ട്ടോവിന് കഴിഞ്ഞു.നിക്കോ വില്യംസ് ഇരട്ട ഗോള്‍ നേടിയപ്പോള്‍ ഇവാന്‍ ജൈമി,ഗോണ്‍സാലോ ബോര്‍ഗസ് എന്നിവരും സ്കോര്‍ബോര്‍ഡില്‍ ഇടം നേടി.
