ലെസ്റ്റർ സിറ്റിയുടെ മിഡ്ഫീൽഡർ കിർനാൻ ഡ്യൂസ്ബറി-ഹാളിനെ ചെല്‍സി സൈന്‍ ചെയ്തു
ലെസ്റ്റർ സിറ്റിയുടെ മിഡ്ഫീൽഡർ കിർനാൻ ഡ്യൂസ്ബറി-ഹാളുമായി കരാർ ഒപ്പിട്ടതായി ചെൽസി സ്ഥിരീകരിച്ചു.ജൂണിൻ്റെ തുടക്കത്തിൽ എൻസോ മറേസ്കയെ പുതിയ മുഖ്യ പരിശീലകനായി നിയമിച്ച ചെല്‍സി ഈ സമ്മറില്‍ തന്നെ ലെസ്റ്ററുമായി രണ്ടു തവണ ബിസിനസ് നടത്തി. ഡ്യൂസ്ബറി-ഹാളിന്‍റെ വരവ് ഉറപ്പിക്കുന്നതിന് വേണ്ടി മുന്‍ ലെസ്റ്റര്‍ മാനേജര്‍ ആയ എൻസോ മറേസ്ക തന്നെ ലെസ്റ്റര്‍ ക്ലബിലേക്ക് പോയിരുന്നു.
30 മില്യൺ പൗണ്ട് ആണ് താരത്തിന്റെ ട്രാന്‍സ്ഫര്‍ ഫീസ്.2029 വരെ താരം ചെല്‍സിയില്‍ തുടരും.ഡീലിന്‍റെ ഭാഗം ആയി ചെല്‍സി അകാഡെമി താരം ആയ മൈക്കൽ ഗോൾഡിംഗ് ലെസ്റ്ററിലേക്ക് പോകും എന്നു വാര്‍ത്ത ഉണ്ടായിരുന്നു എങ്കിലും ആ കാര്യത്തില്‍ പിന്നീട് ഒന്നും കേള്‍ക്കാന്‍ ഇട വന്നില്ല.നിലവിലെ ചെല്‍സിയുടെ മാനേജര്‍ ആയ മറെസ്കക്ക് ഡ്യൂസ്ബറി-ഹാളിന് മേല്‍ ഉള്ള പ്രിയം വളരെ അധികം ആണ്.അതിനാല്‍ ആണ് അദ്ദേഹത്തിനെ എത്രയും പെട്ടെന്നു തന്നെ ചെല്‍സിയിലേക്ക് എത്തിക്കാന്‍ മാനേജര്‍ ആവശ്യപ്പെട്ടത്.
