ഡഗ്ലസ് ലൂയിസ് ആസ്റ്റൺ വില്ലയിൽ നിന്ന് യുവൻ്റസിലേക്കുള്ള ട്രാൻസ്ഫർ പൂർത്തിയാക്കി
ആസ്റ്റൺ വില്ലയിൽ നിന്ന് ഡഗ്ലസ് ലൂയിസിൻ്റെ സൈനിംഗ് യുവൻ്റസ് പൂർത്തിയാക്കിയതായി സീരി എ ക്ലബ് പ്രഖ്യാപിച്ചു.താരത്തിനു വേണ്ടി അവര്‍ 50 മില്യൺ യൂറോ ആണ് ചിലവഴിച്ചത്.കോപ്പ അമേരിക്കയിൽ അന്താരാഷ്ട്ര ഡ്യൂട്ടിയിലുള്ള ബ്രസീൽ ഇൻ്റർനാഷണൽ താരം അമേരിക്കയില്‍ ഇരുന്നു തന്നെ മെഡിക്കൽ പൂർത്തിയാക്കി.അഞ്ച് വർഷത്തെ കരാറിൽ ആണ് അദ്ദേഹത്തെ ഓല്‍ഡ് ലേഡി സൈന്‍ ചെയ്തിരിക്കുന്നത്.
താരത്തിനെ സൈന്‍ ചെയ്യാന്‍ എസി മിലാനും ശ്രമം നടത്തിയിരുന്നു.എന്നാല്‍ പ്രൈസ് ടാഗ് ആണ് അവരെ കൂടുതല്‍ ചര്‍ച്ചക്ക് മുതിരാന്‍ സമ്മ്തിക്കാതെ ഇരുന്നത്.35 ലീഗ് മത്സരങ്ങളിൽ നിന്ന് ഒമ്പത് ഗോളുകൾ നേടുകയും അഞ്ച് ഗോളുകൾ കൂടി നേടുകയും ചെയ്ത താരത്തിന്റെ ഒറ്റയാന്‍ പ്രകടനം ആണ് വില്ലയെ ചാമ്പ്യന്‍സ് ലീഗില്‍ എത്തിച്ചത്.അഞ്ച് വർഷത്തെ കരാറിൽ 2017ൽ മാഞ്ചസ്റ്റർ സിറ്റിയിൽ ചേരുന്നതിന് മുമ്പ് ഹോംടൗൺ ക്ലബ് വാസ്‌കോ ഡ ഗാമയിലെ റാങ്കുകളിലൂടെയാണ് 26-കാരൻ ഫൂട്ബോള്‍ ലോകത്തേക്ക് കാല്‍ എടുത്ത് വെച്ചത്.ലൂയിസ് ഒരിക്കലും സിറ്റിക്ക് വേണ്ടി കളിച്ചിട്ടില്ല.ലോണില്‍ അദ്ദേഹം ലാലിഗ ടീം ആയ ജിറോണക്ക് വേണ്ടിയും ബൂട്ട് കെട്ടിയിട്ടുണ്ട്.
