യൂറോ 2024 ; സ്പെയിന്‍ vs അല്ബേനിയ
ഗ്രൂപ്പ് ബി യില്‍ ഇന്ന് സ്പെയിന്‍ വി‌എസ് അല്ബേനിയ പോരാട്ടം.രണ്ടു മല്‍സരങ്ങളില്‍ നിന്നു ആറ് പോയിന്‍റ് നേടിയ അവര്‍ ഇതിനകം തന്നെ നോക്കൌട്ട് റൌണ്ട് കളിക്കും എന്നു ഉറപ്പിച്ച് കഴിഞ്ഞു.നിലവിലെ ചാമ്പ്യന്മാരായ ഇറ്റലിയെ 1-0 ന് സ്പെയിന്‍ തോല്‍പ്പിച്ചു , അതിനു മുന്നേ ക്രൊയേഷ്യന്‍ ടീമിനെയും പരാജയപ്പെടുത്തി അവര്‍ ഈ യൂറോയില്‍ വളരെ ശക്തമായ തുടക്കം തന്നെ ആണ് കാഴ്ചവെച്ചിരിക്കുന്നത്.
കഴിഞ്ഞ മല്‍സരത്തില്‍ നീക്കോ വില്യംസ് ആയിരുന്നു സ്പെയിനിന്‍റെ പ്രധാന താരം.അതിനു മുന്നേ നടന്ന മല്‍സരത്തില്‍ ലമായിന്‍ യമാലും.ഓരോ മല്‍സരത്തിലും പല താരങ്ങള്‍ ഫോമിലേക്ക് ഉയരുന്നത് ഈ സ്പാനിഷ് ടീമിന് ഏറെ ഗുണം ചെയ്യുന്നു.പണ്ട് ഇവരുടെ എല്ലാ നീക്കങ്ങളും എതിരാളികള്‍ക്ക് അറിയാം ആയിരുന്നു എങ്കില്‍ ഇപ്പോഴത്തെ അവസ്ഥ അതല്ല.അല്ബേനിയ ആദ്യ മല്‍സരത്തില്‍ പരാജയപ്പെടുകയും രണ്ടാം മല്‍സരത്തില്‍ സമനില വഴങ്ങുകയും ചെയ്തു.ഇന്നതെ മല്‍സരത്തില്‍ അവര്‍ ജയിച്ച് ഇറ്റലി-ക്രൊയേഷ്യ മല്‍സരം സമനിലയില്‍ ആയാല്‍ മാത്രമേ ഇവര്‍ക്ക് നോക്കൌട്ട് റൌണ്ടിലേക്ക് എത്താന്‍ കഴിയുകയുള്ളൂ.ഇന്ത്യന്‍ സമയം ഒന്‍പതര മണിക്ക് ആണ് പോരാട്ടം.
